2022 جىلعى 24-31 قاڭتار ارالىعىندا شەكارا قىزمەتىنىڭ اۋماقتىق بولىمشەلەرى شەتەلگە اقشا قاراجاتىن زاڭسىز شىعارۋ ارەكەتتەرىنىڭ الدىن الدى.
«شەكاراشىلار جالپى سوماسى 311 526 967 تەڭگە بولاتىن دەكلاراتسيالانباعان شەتەل ۆاليۋتاسىن الىپ شىعۋدىڭ 24 فاكتىسىن نۇر-سۇلتان, الماتى, تۇركىستان, اقتاۋ, وسكەمەن قالالارىندا انىقتادى.
ماتەريالدار قۇزىرەتتەرى بويىنشا مەملەكەتتىك كىرىستەر جانە ەكونوميكالىق قىلمىستاردى تەرگەۋ ورگاندارىنا بەرىلدى», دەلىنگەن حابارلامادا.
ۇقك شەكارا قىزمەتى قازاقستاننان تىس جەرلەرگە شىعاتىن ازاماتتارعا ءىرى اقشا قاراجاتىن, ون مىڭ اقش دوللارىنان استام قارجىنى الىپ شىعۋداعى زاڭ تالاپتارىن ساقتاۋدى جانە دەكلاراتسيالاۋ قاجەتتىگىن ەسكەرتەدى.
