حالىقارالىق ازاماتتىق اۆياتسيا ۇيىمىنىڭ ورتالىق حاتشىلىعىندا (ICAO) جۇمىس ىستەگەن العاشقى جانە ازىرگە جالعىز قازاق ابىل كەكىلباەۆ باس ديرەكتوردىڭ قىزمەتتەن نەلىكتەن كەتىپ جاتقانى تۋرالى ايتتى.
ونىڭ ايتۋىنشا, قازاقستان 2023-جىلعى ICAO تەكسەرىسىنەن وتپەي قالۋى مۇمكىن.
«بىرىنشىدەن, «قازاقستاننىڭ اۆياتسيالىق اكىمشىلىگىن» قارجىلاندىرۋدا ۇلكەن ماسەلە تۋىندادى. ەكىنشىدەن, قازاقستان 2023-جىلعى تەكسەرىسىنەن وتپەي قالۋى مۇمكىن. قاۋىپتىڭ باسى قىلتيعان سوڭ پيتەر گريففيتس تا ءوز پايداسى ءۇشىن ءتيىمدى شەشىم قابىلداعان سياقتى. ايتپەسە, جىلىنا 155 ملن تەڭگە جالاقى الىپ وتىرعان ورىننان باس تارتپاس ەدى عوي. ول قازاقستاندا ەكى جىلدان اسا ۋاقىت قىزمەت ەتتى. وسى ارالىقتا ءوزىنىڭ شاماسى قانشا جەرگە جەتەتىنىن دە ءتۇسىندى-اۋ دەيمىن», دەدى ول.
