پارلامەنتتە رەسپۋبليكالىق بيۋدجەت تۋرالى زاڭعا وزگەرىستەر ەنگىزۋ ماسەلەسى قارالدى

بۇگىن, 19 ناۋرىز كۇنى پارلامەنت ءماجىلىسىنىڭ كەزەكتى جالپى وتىرىسى بولىپ, وندا 11 ماسەلە قارالدى. سونىڭ ىشىندە كەيبىر زاڭنامالىق اكتىلەرگە الەۋمەتتىك قامسىزداندىرۋ ماسەلەلەرى, ۇلتتىق قوردان 2014-2016 جىلدارعا بولىنەتىن كەپىلدەندىرىلگەن ترانسفەرت تۋرالى زاڭعا جانە وعان ىلەسپە 2014-2016 جىلدارعا ارنالعان رەسپۋبليكالىق بيۋدجەت تۋرالى زاڭعا وزگەرىستەر ەنگىزۋ جونىندەگى زاڭ جوبالارى قارالىپ, ماقۇلداندى. بۇل تۋرالى Egemen.kz حابارلادى. دەپۋتاتتاردىڭ تالقىلاۋعا بەلسەنە قاتىسىپ, قىزىعۋشىلىعىن تۋدىرعاندار قاتارىنا «جول ءجۇرىسى تۋرالى» زاڭ جوباسىنا سەنات ەنگىزگەن وزگەرىستەر مەن تولىقتىرۋلاردى, كەيبىر زاڭنامالىق اكتىلەرگە قىلمىستىق جولمەن الىنعان كىرىستەردى زاڭداستىرۋعا جانە تەرروريزمدى قارجىلاندىرۋعا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ جونىندەگى زاڭ جوبالارىن جاتقىزۋعا بولادى. سونداي-اق بۇگىنگى وتىرىستا بىرنەشە حالىقارالىق حاتتامالار مەن كەلىسىمدەردى راتيفيكاتسيالاۋ جونىندەگى زاڭ جوبالارى ماقۇلداندى. سونىڭ ىشىندە قازاقستان مەن قىتاي اراسىنداعى قورعاس وزەنىنە «دوستىق» سۋ تورابىن سالۋ بويىنشا ىنتىماقتاستىق جاساۋ تۋرالى كەلىسىم بار. ەڭ سوڭعى ماسەلە بولىپ اكىمشىلىك قۇقىق بۇزۋشىلىق تۋرالى كودەكسكە وزگەرىستەر ەنگىزۋ جونىندەگى زاڭ جوباسى ەكىنشى وقىلىمدا ماقۇلداندى. جاقسىباي سامرات. دەرەككوز: Egemen.kz. فوتو: Remarka.kz.