تايلاند بيلىگى ەلدەگى توتەنشە جاعدايدى توقتاتۋ تۋرالى شەشىم قابىلدادى

تايلاند بيلىگى 19 ناۋرىزدان باستاپ ەلدەگى توتەنشە جاعداي رەجيمىن توقتاتۋ جونىندە شەشىمگە كەلدى. بۇل تۋرالى Lenta.ru حابارلادى. اتالعان ەلدە توتەنشە جاعداي ەڭ كەم دەگەندە 30 ساۋىرگە دەيىن توقتاتىلادى. مۇنىڭ سەبەبىن جەرگىلىكتى بيلىك ەلدەگى نارازىلىق اكتسيالارىنىڭ باسەڭدەۋىمەن ءتۇسىندىردى. ال «The Bangkok Post» گازەتى ەلدەگى توتەنشە جاعدايدىڭ توقتاتىلۋىنا بيزنەس وكىلدەرىنىڭ ءوتىنىش بىلدىرگەنىن جازعان.  سەبەبى, وسى ەلدەگى تۇراقسىز جاعداي تۋريستەردىڭ  الاڭداۋشىلىعىن تۋعىزعان ەكەن. ەستەرىڭىزگە سالا كەتەيىك, وتكەن جىلى تايلاندتا نارازىلىق اكتسيالارى بىرنەشە رەت بولدى. وسىعان وراي, 2014 جىلدىڭ 22 قاڭتارىنان باستاپ ەلدەگى تىنىشتىقتى قالپىنا كەلتىرۋ ءۇشىن توتەنشە جاعداي ەنگىزىلدى. بۇعان قاتىستى زاڭعا سايكەس, ازاماتتاردىڭ 5 ادامنان ارتىق توپ بولىپ جينالۋىنا تىيىم سالىندى. سونداي-اق, قۇقىق قورعاۋ قىزمەتكەرلەرى جاڭا وكىلەت بويىنشا كۇدىك كەلتىرىلگەن تۇلعالاردان ايعاق زات تاركىلەمەسە دە, ولاردى قاماۋعا مۇمكىندىك الدى. ايدار ورىسباەۆ. دەرەككوز: Lenta.ru. فوتو: Lenta.ru.