باسپانالى بولۋدىڭ جاڭا مۇمكىندىكتەرى

كاسىپكەرلەر سانيتارلىق نورمالاردى قاتاڭ ساقتاۋعا ءتيىس

ءبىرىنشى ماسەلە بويىنشا ءسوز العان دەنساۋلىق ساقتاۋ ءمينيسترى اجار عينيات قازاقستاندا كوروناۆيرۋس ينفەكتسياسىمەن سىرقاتتانۋ جاعدايى تۇراق­تالماعانىن, ۆيرۋس جۇقتىرۋ دەڭ­گەيى ءالى دە جوعارى بولىپ تۇرعانىن بايان­­دادى. وڭىرلەردىڭ كوبى «قىزىل» ايماق­تا تۇر. اۋرۋدىڭ ەڭ كوپ ءوسىمى پاۆ­لو­دار, اقمولا, قوستاناي جانە سولتۇس­تىك قازاقستان وبلىستارىندا بايقالادى.

كاسىپكەرلەرگە قاتىستى كارانتيندىك شەكتەۋلەردىڭ تومەندەگەنىن ەسكەرە وتى­رىپ, ۇكىمەت باسشىسى «اتامە­كەن» ۇكپ-عا بيزنەسپەن سانيتارلىق-ەپيدە­ميالىق تالاپتاردى ساقتاۋ بويىنشا الەۋ­مەتتىك جاۋاپكەرشىلىك ماسەلەسىن پى­سىق­تاۋدى تاپسىردى. «كاسىپكەرلەر جۇ­مىسىنا اسا جا­ۋاپكەرشىلىكپەن قاراۋعا ءتيىس. ساۋدا نەمەسە تاماقتانۋ ورىن­­دارىندا, ءون­دىرىس الاڭدارىندا كو­رو­­نا­ۆيرۋس ينفەك­تسيا­سىنىڭ تارالۋىنا جول بەرمەۋ ءۇشىن بار­لىق قاجەتتى شارا قاتاڭ ساقتالۋى كەرەك. مۇنى بيزنەس­تىڭ ءوزى قاداعالاۋى ءتيىس, ويتكەنى الەۋمەت­تىك جاۋاپكەرشىلىك, ءبىرىنشى كەزەكتە, بيز­نەس­تىڭ ءوزى ءۇشىن قاجەت», دەدى ءا.سمايىلوۆ.

پرەمەر-مينيستر ەلدەگى ساني­تار­لىق-ەپيدەميالىق جاعدايدى باقىلاۋدا ۇستاۋدى, وقۋ ورىندارىندا سانيتارلىق تالاپتاردىڭ مۇلتىكسىز ساقتالۋىن قام­تا­ماسىز ەتۋدى, حالىقتى ۆاكتسينالاۋ جانە رەۆاك­تسينالاۋ جۇمىستارىن بارىنشا كۇ­شەيتۋدى تاپسىردى. بۇعان دەيىن بەرىلگەن تاپسىرمالارعا قاراماستان, ماڭعىستاۋ جانە قوستاناي وبلىستارىندا ەكپە الۋعا ءتيىس حالىقتىڭ جارتىسى عانا ۆاكتسينا سالدىرعان. سونداي-اق ەل استاناسى مەن الماتىدا جانە ماڭ­عىستاۋ وبلىسىندا رەۆاكتسينالاۋ قارقى­نى جاقسارعان جوق.

ۇكىمەت باسشىسى شىعىس قازاقستان وبلىسىن جاقسى مىسال رەتىندە كەلتىردى, وندا ۆاكتسينامەن قامتۋ 100%-عا, رەۆاكتسينالاۋ 80%-عا جەتكەن, سونداي-اق جامبىل وبلىسىندا ۆاكتسينامەن قامتۋ 100%-عا جۋىقتاعان, ال حالىقتىڭ
66%-ى رەۆاكتسينالانعان.

70 مىڭ وتباسىنىڭ تۇرعىن ءۇي جالداۋ اقىسى سۋبسيديالانادى

ۇكىمەت وتىرىسىندا تۇرعىن ءۇي سايا­سات­ىنداعى جانە تۇرعىن ءۇيدى جالداۋ اقىسىن سۋبسيديالاۋداعى جاڭا تاسىلدەر قارالدى.

يندۋستريا جانە ينفراقۇرىلىمدىق دامۋ ءمينيسترى ق.وسكەنباەۆ اتاپ وتكەن­دەي, ازاماتتاردىڭ جەكەلەگەن سانات­تارىنىڭ ماسەلەلەرىن جەدەل شەشۋ ماق­ساتىندا مەملەكەت باسشىسى تۇرعىن ءۇيدى كوممەرتسيالىق نارىقتا جالعا العانى ءۇشىن تولەم تەتىگىن ازىرلەۋدى تاپسىردى. «بۇ­گىنگى كۇنى ەلىمىزدە شامامەن 590 مىڭ ادام كەزەكتە تۇر, سونىڭ ىشىندە 210 مىڭ ادام حالىقتىڭ الەۋمەتتىك جاعى­نان از قامتىلعان توبىنا جاتادى. بۇل كوپبالالى وتباسىلار, ءى جانە ءىى توپتاعى مۇگەدەكتەر, جەتىم بالالار, مۇگەدەك بالالارى بار وتباسىلار», دەدى ق.وسكەنباەۆ.

سونىڭ ىشىندە, ءمينيستردىڭ ايتۋىنشا, ەڭبەك جانە حالىقتى الەۋمەتتىك قورعاۋ مينيسترلىگى بازاسىنىڭ دەرەكتەرىنە سايكەس تابىسى ەڭ تومەنگى كۇنكورىس دەڭگەيىنەن تومەن شامامەن 70 مىڭ ازامات قىسقا مەرزىم ىشىندە تۇرعىن ۇيمەن قامتاماسىز ەتىلۋگە ءتيىس. وسى ماقساتتا جەكە تۇرعىن ءۇي قورىنان جالعا الىنعان تۇرعىن ءۇي ءۇشىن تولەمدەردى تاعايىنداۋ قاعيدالارى ازىرلەندى, وندا «وتباسى بانكى» وپەراتور بولىپ بەلگىلەندى. بانك كەزەكتە تۇرعان ادامداردى تۇرعىن ۇيگە مۇقتاجدىعىن اقپاراتتىق جۇيە ارقىلى تەكسەرەدى. ءمينيستردىڭ ايتۋىنشا, اتاۋلى كومەك قاعيداتى ازاماتتاردىڭ ورتاق جاۋاپكەرشىلىگىنە نەگىزدەلگەن: جالداۋ اقىسىنىڭ 50%-ى مەملەكەتتىك سۋبسيديا­لار ەسەبىنەن جابىلادى, قالعان 50%-ىن جالعا الۋشى ءوز قالتاسىنان تولەيدى. «70 مىڭ ازاماتقا قولداۋ كورسەتۋ ءۇشىن 50 ملرد تەڭگە قاجەت, بۇل رەتتە كورسەتىلگەن قارا­جات جىل سايىن كەزەكتە تۇرعان ادام­داردىڭ سانىنا بايلانىستى وزگەرۋى مۇم­كىن», دەدى ق.وسكەنباەۆ.

ونىڭ ايتۋىنشا, ءوتىنىش بەرۋشىگە قويىلاتىن نەگىزگى تالاپتار مىنالار: قازاقستان رەسپۋبليكاسىنىڭ ازاماتى بولۋى, وتباسىنىڭ سوڭعى 6 ايداعى جيىنتىق تابىسى وتباسىنىڭ ءاربىر مۇشەسىنە شاققاندا ەڭ تومەنگى كۇنكورىس دەڭگەيىنىڭ ءبىر ەسەلەنگەن شاماسىنان اسپاۋعا ءتيىس. بۇعان قوسا, ازامات تۇرعىن ۇيگە مۇقتاج رەتىندە اكىمدىكتىڭ كەزەگىندە تۇرعانىن راستاۋى قاجەت جانە جالداۋ اقىسىن سۋبسيديالاۋ ءۇشىن تۇرعىن ءۇي يەسى مەن ءوتىنىش بەرۋشى اراسىندا جاسالعان شارت بولۋى كەرەك. ال وپەراتور بانككە بىرنەشە قۇجات تاپسىرىلادى: تولەمدەردى تاعايىنداۋ جونىندەگى ءوتىنىش (ەتسق قاجەت), تۇرعىن ءۇيدى جالداۋ تۋرالى شارت, قالعان قۇجاتتاردى بانك اقپاراتتىق جۇيە­­لەردەن ءوزى الادى. ءوتىنىش بەرۋشىنىڭ قۇجا­­تى تۇگەل جانە دۇرىس بولسا, ءۇيدىڭ جال­­داۋ اقىسى مەملەكەت تاراپىنان 10 جۇمىس كۇنىنىڭ ىشىندە اۋدارىلادى, دەيدى ق.وسكەن­باەۆ.

تۇرعىن ءۇيدى جالداۋ قۇنىن سۋبسيديا­لاۋ ءۇشىن بولىنەتىن قارجىنى رەسپۋب­ليكالىق جانە جەرگىلىكتى بيۋدجەتتەن بىرلەسىپ قارجىلاندىرۋ قاراستىرىلىپ وتىر. ياعني بۇل ماقساتقا رەسپۋبليكالىق بيۋدجەتتەن جىل سايىنعى شىعىندار 40 ملرد تەڭگەنى جانە جەرگىلىكتى بيۋدجەتتەر ءۇشىن 10 ملرد تەڭگەنى قۇرايدى.

تولەم تەتىگىن ىسكە اسىرۋ ءۇشىن قادام­دىق ءىس-قيمىل جوسپارى جاسالدى. بىرىن­شىدەن, ولشەمشارتتار مەن تالاپتار, سونداي-اق جالداۋ مولشەرلەمەسىنىڭ شەكتى قۇنى كورسەتىلگەن قاعيدالار ازىرلەندى. ەكىنشىدەن, رەسپۋبليكالىق جانە جەرگىلىكتى بيۋدجەتتەردى ناقتىلاۋ قاجەت. ۇشىنشىدەن, وتباسى بانك مەم­لە­كەتتىك ورگانداردىڭ اقپاراتتىق جۇيە­لەرى­مەن ينتەگراتسيالانۋدى اياقتاۋعا ءتيىس. تۇرعىن ءۇي تولەمدەرى باعدارلا­ماسىن تولىق ىسكە قوسۋ مامىر ايىنا جوسپارلانعان. جوعا­رىدا كورسەتىل­گەن تاسىلدەر ماقۇلدانعان جاع­دايدا مي­نيسترلىك ءوز بۇيرىعىن بەكى­تۋگە دايىن.

ءمينيستردىڭ ايتۋىنشا, ازامات­تاردىڭ تۇرعىن ءۇي ماسەلەسىن شەشۋدىڭ نەگىزگى تاسىلدەرى سۋبسيديالار, تۇرعىن ءۇيدى جالعا الۋعا ارنالعان تۇرعىن ءۇي تولەمدەرى, قۇرىلىس سالۋشىلاردان دايىن تۇرعىن ءۇيدى ساتىپ الۋ, «ەسكى ورامداردى» رەنو­ۆاتسيالاۋ, پروبلەمالىق وبەكتىلەردى اياق­تاۋ ارقىلى مەملەكەتتىك قولداۋدىڭ جاڭا تەتىكتەرى بولادى. وسىنى ەسكەرە وتى­رىپ, بيىل تۇرعىن ءۇيدى پايدالانۋعا بەرۋدىڭ جىلدىق كولەمىن 17 ملن شارشى مەتر دەپ بەلگىلەۋ ۇسىنىلادى. «بۇ­گىنگى تاڭدا قۇرىلىس سالاسىندا 46 476 كاسىپورىن جۇمىس ىستەيدى, وندا جۇمىسپەن قامتىلعاندار سانى – 641 مىڭ. ءبىز جۇ­مىس ورىندارىن ساقتاۋ جانە ۇلعايتۋ جونىندەگى ساياساتتى ودان ءارى جالعاستىرامىز», دەپ سەندىردى ق.وسكەنباەۆ.

«بايتەرەك» ۇبح» اق باسقارما تور­اعاسى ايدار ءارىپحانوۆ وبليگاتسيا­لار­دى ساتىپ الۋ تەتىگى ارقىلى كرەديتتىك تۇرعىن ءۇي سالۋ باعىتى بويىنشا اكىمدىكتەرگە جالپى سوماسى 163,7 ملرد تەڭگە قور­لاندىرۋ ۇسىنىلعانىن ايتتى, بۇل بەكىتىلگەن جوسپاردىڭ 100%-ى. تۇرعىن ءۇي قۇرىلىس جيناقتارى باعىتى بويىنشا 2021 جىلى حالىققا جالپى سوماسى 1,235 ترلن تەڭگەگە 82,2 مىڭ جەڭىلدىكپەن قارىز بەرىلدى. وتباسى بانك جۇيەسىندە 1,5 ترلن تەڭگە بولاتىن 2,2 ملن شارت بار. ۇلەستىك تۇرعىن ءۇي قۇرىلىسى باعىتى بويىنشا جالپى سوماسى 372 ملرد تەڭگەگە اۋدانى 2 ملن شارشى مەتر تۇرعىن ءۇي بولاتىن 70 جوبا كەپىلدەندىرىلدى. جەكە قۇرىلىس سالۋشىلاردىڭ كرەديتتەرىن سۋبسيديالاۋ باعىتى بويىنشا جالپى سوماسى 28 ملرد تەڭگە بولاتىن جوبالار ماقۇلداندى, ال جوسپار بويىنشا 20 ملرد تەڭگە بولعان.

ماسەلەنى ۇكىمەت باسشىسى ءاليحان سمايى­لوۆ قورىتىندىلادى. «ازامات­تاردىڭ ءال-اۋقاتىن جاقسارتۋ – مەملە­­كەتتىك سايا­ساتتىڭ ەڭ ماڭىزدى مىندەتى. وسى مىن­دەت­كە جەتۋدىڭ باسىم باعىتتارىنىڭ ءبىرى – ول تۇرعىن ءۇيدىڭ قولجەتىمدى بولۋى», دەدى ول.

ۇكىمەت باسشىسى جالپى قۇرىلىس سالاسى جىل سايىن وڭ ديناميكا كورسەتىپ, ءوسىپ كەلە جاتقانىن اتاپ ءوتتى. 2021 جىلدىڭ قورىتىندىسى بويىنشا 17,1 ملن شارشى مەتر ءۇي سالىندى. تۇرعىن ءۇي قۇرىلىسىنا شامامەن 2,4 ترلن تەڭگە ينۆەستيتسيا تارتىلدى. بىراق وسىنشاما وسىمگە جانە باس­پانا سالۋ جوسپارلارىنىڭ ورىندالۋىنا قاراماستان, قاراپايىم ازاماتتاردىڭ باسىم بولىگىنىڭ باسپاناعا قولدارى جەتپەي ءجۇر. ءۇي كەزەگىنە تۇرعانداردىڭ سانى كوبەيىپ جاتىر.

وسىعان وراي مەملەكەت باسشىسىنىڭ تاپسىرمالارىن ىسكە اسىرۋ اياسىندا تۇرعىن ءۇي ساياساتىنىڭ جاڭا تاسىلدەرى ازىرلەندى. مۇندا وتباسى بانكىنە ەرەكشە ورىن بەرىلەدى, ول باسپاناعا مۇقتاج ادامداردىڭ كەزەگىن قالىپتاستىرۋ جانە ولارعا تۇرعىن ۇيلەردى جەڭىلدىكپەن ساتۋ بويىنشا بىرىڭعاي وپەراتور قىزمەتىن اتقارادى. قازىرگى تاڭدا ازاماتتارعا ءۇي ساتىپ الۋ ماقساتىندا وزدەرىنىڭ زەينەتاقى جيناقتارىنىڭ ءبىر بولىگىن وتباسى بان­كىندەگى دەپوزيتتەرگە سالۋ مۇمكىندىگى بەرىلدى. زاڭنامانى رەفورمالاۋ اياسىن­دا تۇرعىن ءۇيدى كىرىسىنە قاراي ساتۋ, ارەن­دالىق تولەمدەردىڭ ءبىر بولىگىن سۋبسيديا­لاۋ جانە اۋىلدى جەرلەردە تۇرعىن ءۇي سالۋ تەتىكتەرى ەنگىزىلەدى.

مەملەكەت باسشىسىنىڭ تاپسىرماسىنا سايكەس ارەندالىق تولەمنىڭ ءبىر بو­لىگىن سۋبسيديالاۋ مەحانيزمىن ەنگىزۋ تۋرالى شەشىم قابىلداندى. باسپاناعا مۇقتاج 70 مىڭعا جۋىق وتباسى وسى تەتىك ارقىلى باسپانامەن قامتىلادى, ولار جالداۋ اقىسىنان ۇنەمدەلگەن قاراجاتتى ءۇي ساتىپ الۋعا جيناي الادى. «جالپى, جاڭا تاسىلدەر مەن مەحانيزمدەر 10 جىل ىشىندە تۇرعىن ءۇي كەزەگىندە تۇرعان جارتى ميلليوننان استام ادامنىڭ باسپانا ماسەلەسىن شەشۋگە جانە مەملەكەتتىك قولداۋدىڭ ادىلەتتى, اشىق ءارى قولجەتىمدى جۇيەسىن جاساۋعا مۇمكىندىك بەرەدى», دەدى ءا.سمايىلوۆ.

پرەمەر-مينيستر يندۋستريا جانە ينفراقۇرىلىمدىق دامۋ مينيسترلىگىنە «بايتەرەك» ۇبح» اق-مەن بىرلەسىپ, ارەندانى سۋبسيديالاۋ تەتىگىن ەنگىزۋ بويىنشا بارلىق ۇيىمداستىرۋ ماسەلەلەرى مەن راسىمدەردى اياقتاپ, وسى جىلدىڭ 1 مامىرىنا دەيىن ناقتى ىسكە اسىرۋدى تاپسىردى. راسىمدەردىڭ اشىقتىعىن قامتاماسىز ەتۋ, ساپاسىن ارتتىرۋ جانە ودان ءارى جەڭىلدەتۋ ءۇشىن جوعارىدا اتالعان مينيسترلىككە قۇرىلىس سالاسىن رەتتەۋگە تسيفرلى تەحنولوگيالاردى ەنگىزۋ جونىندەگى زاڭ جوبانى وسى جىلدىڭ 1 ساۋىرىنە دەيىن ۇكىمەتكە ەنگىزۋ تاپسىرىلدى. «قۇرىلىس ماۋسىمىن ۋاقتىلى باستاۋدىڭ ماڭىزى زور. ول ءۇشىن ءوڭىر اكىمدەرى كۇن جىلىنعان سوڭ قۇرىلىس جۇمىستارىن بارىنشا تەزدەتۋگە مۇمكىندىك تۋعىزىپ, ەرتە باستان جەر تەلىم­دەرىن ءبولۋدى, جوبالىق قۇجاتتاردى ازىر­لەۋدى, قاجەتتى ينفراقۇرىلىمدى جۇر­گىزۋدى قامتاماسىز ەتۋگە ءتيىس», دەدى ءا.سمايىلوۆ.

حالىقتىڭ جاپپاي ساپالى ءبىلىم الۋىنا جاعداي جاساۋ – نەگىزگى مىندەت

ۇكىمەت وتىرىسىندا ءبىلىم مەن عىلىم­دى دامىتۋدىڭ جاڭا تاسىلدەرى قارالدى.

ماسەلەنى قورىتىندىلاعان ۇكىمەت باس­شىسى: ء«بىزدىڭ باستى مىندەتىمىز – ءبىلىم بەرۋدىڭ بارلىق دەڭگەيىندە حالىق­تىڭ جاپپاي ساپالى بىلىمگە قول جەتكىزۋىن قامتاماسىز ەتۋ. مەملەكەت باسشىسىنىڭ باستاماسىمەن 2022 جىل «بالالار جىلى» دەپ جاريالاندى. وسىعان وراي بالالاردى ساپالى ءبىلىم بەرۋ ارقىلى جان-جاقتى دامىتاتىن ماڭىزدى ءىس-شارالاردى قاراستىرۋ قاجەت», دەدى.

ۇكىمەت باسشىسى مەكتەپكە دەيىنگى ءبىلىم بەرۋدە ساپانى باعالاۋ قۇرالدارىن كۇشەيتىپ, بالالاردىڭ ەرتە كەزدەن دامۋىنىڭ الەمدىك كورسەتكىشتەرىن ەنگىزگەن ءجون ەكەنىن ايتتى. ورتا ءبىلىم بەرۋدە قالا مەن اۋىل مەكتەپتەرىندەگى وقىتۋ ساپاسىن تەڭەستىرۋگە, مەكتەپ وقۋ­شىلارىنىڭ فۋنكتسيونالدىق ساۋات­تى­لىعىنا, بالانىڭ تۇلعالىق قاسيەتتەرىن قالىپتاستىرۋعا باسا ءمان بەرۋ كەرەك.

پرەمەر-مينيستر پەداگوگتەردى الەۋمەتتىك قولداۋ باعدارلاماسى اياسىندا اكىمدىكتەر مەن ءبىلىم مينيسترلىگىنە كادرلار تاپشى وڭىرلەرگە ۇستازداردى تارتۋ ءۇشىن قوسىمشا اقى تولەۋ, تۇرعىن ۇيمەن قامتاماسىز ەتۋ, كوممۋنالدىق قىزمەتتەرگە وتەماقى تولەۋ جونىندەگى شارالاردى قاراستىرۋدى تاپسىردى.

ءا.سمايىلوۆ جاقىن ورنالاسقان مەكتەپتەن تىس ۇيىمداردى, تەگىن مەكتەپ ۇيىرمەلەرىن, سپورتتىق سەكتسيالاردى, اۋلا كلۋبتارىن كوبەيتۋ جۇمىسىن جۇرگىزۋ قاجەتتىگىن اتاپ ءوتتى. «كاسىپتىك-تەحنيكالىق ءبىلىم بەرۋ جۇيەسىن رەفورمالاۋدى جالعاستىرۋ كەرەك. ونىڭ ساپاسىن, تاسىلدەرى مەن ماتەريالدىق-تەحنيكالىق قامتاماسىز ەتىلۋىن تۇبەگەيلى وزگەرتكەن ءجون. بارلىق جەردە كاسىپورىنداردىڭ كوللەدجدەردى ءوز قامقورلىعىنا الۋىن جولعا قويۋ كەرەك. كوللەدجدەر تەك جاستاردى عانا ەمەس, جۇمىس بەرۋشىلەر مەن ينۆەستورلاردى دا وزىنە تارتىپ, ءداستۇرلى باعدارلامالارمەن قاتار, قىسقا مەرزىمدى وقۋ باعدارلامالارىن ۇسىنۋعا ءتيىس», دەدى ۇكىمەت باسشىسى.

پرەمەر-مينيستر مەملەكەتتىك تاپ­سى­رىستى قالىپتاستىرۋ بارىسىندا ءار وڭىر­دەگى بەلگىلى ءبىر جۇمىسشى ماماندىقتارعا دەگەن قاجەتتىلىكتى ەسكەرۋدى تاپسىردى. «كول­لەدجدەر مەن ۋنيۆەرسيتەتتەردىڭ تۇلەك­تەرى ەڭبەك نارىعىندا سۇرانىسقا يە بو­لۋى كەرەك. قازىرگى تاڭدا ءدال وسى ەڭبەك نا­رىعىنداعى سۇرانىس پەن ونىڭ پەرسپەك­تيۆالىق بولجامى كادرلار دايارلاۋداعى نەگىزگى فاكتورلار بولىپ تابىلادى», دەدى ءا.سمايىلوۆ.

ۇكىمەت باسشىسى جوعارى ءبىلىم بەرۋ جۇ­يەسىن, اسىرەسە, تەحنيكالىق جوعارى ءبىلىم بەرۋدى قايتا قاراۋدى, تانىمال ۋنيۆەرسيتەتتەردىڭ فيليالدارىن, كامپۋستارىن اشۋ ىسىندە ناقتى شارالار قا­بىلداۋدى تاپسىردى. جاستاردىڭ جوعا­رى ءبىلىم الۋ مۇمكىندىگىن كەڭەيتۋ ءۇشىن مەم­لەكەتتىك تاپسىرىس كولەمىن ۇلعايتۋ, ونىڭ ىشىندە ەلىمىزدىڭ باتىس وڭىرلەرى­نىڭ ستۋدەنتتەرى ءۇشىن تەحنيكالىق مامان­دىقتار بويىنشا قوسىمشا 10 مىڭ گرانت ءبولۋ جوسپارلانىپ وتىر. جوعارى ءبىلىم سالاسىندا گرانتتار ارقىلى مەملەكەتتىك تاپسىرىستاردى ءبولۋ كەزىندە وڭىرلەردىڭ ەرەكشەلىكتەرى مەن وبلىستارداعى كادر­لارعا دەگەن قاجەتتىلىك ەسكەرىلەدى.

پرەمەر-مينيستر تەحنيكالىق عىلىم­­داردى دامىتۋعا باسىمدىق بەرۋ, E-lab بىرىڭعاي پلاتفورماسىن قۇرۋ, عى­لىمدى بازالىق قارجىلاندىرۋدى كە­ڭەيتۋ ارقىلى عىلىمي ينفرا­قۇ­رى­لىمدى جاڭعىرتۋ جونىندەگى شارالار كەشەنىن قاراستىرۋدى تاپسىردى. ءبىلىم جانە عىلىم مينيسترلىگىنە ء«بىلىمدى ۇلت» ساپالى ءبىلىم بەرۋ» ۇلتتىق جوباسىن قايتا قاراۋ, ۇلتتىق ەكونوميكا, قار­جى مينيسترلىكتەرىمەن بىرلەسىپ, ۇكى­مەتتىڭ 2022 جىلعا ارنالعان ءىس-قيمىل باعدارلاماسىنىڭ جوباسىنا بالالاردى بالاباقشاعا كەزەككە قويۋدىڭ بىرىڭعاي تسيفرلى بازاسىن قۇرۋ, تاربيە جۇمىسى تۇجىرىمداماسىن قابىلداۋ, قوسىمشا ءبىلىم بەرۋدىڭ بىرىڭعاي ۇلتتىق پورتالىن قۇرۋ جونىندەگى ءىس-شارالاردى ەنگىزۋدى قامتاماسىز ەتۋ تاپسىرىلدى.

ۇكىمەت باسشىسى وسى جىلعى 10 اق­پانعا دەيىن كاسىپورىنداردىڭ كول­لەدج­­دەردى قامقورلىققا الۋىن دامىتۋ جونىن­دەگى كەشەندى جوسپاردىڭ جوباسىن, وسى جىلدىڭ 7 اقپانىنا دەيىن جەتەكشى شەتەلدىك جوعارى وقۋ ورىندارىنىڭ فيليالدارىن اشۋ جونىندەگى جول كارتاسىن ەنگىزۋ كەرەكتىگىن ايتتى. «سالالىق مەم­لەكەتتىك ورگاندارمەن بىرلەسىپ, تەحني­كا­لىق باعىتتاعى عىلىمي كادرلار­دى دايارلاۋعا باسىمدىق بەرۋ قاجەت, ونىڭ ىشىندە جاس عالىمدارعا گرانتتار ءبولۋ جانە جىل سايىن جەتەكشى شەتەل­دىك عىلى­مي ورتالىقتارعا جىبەرۋ جۇمىس­تارىنىڭ اياسىندا دا ۇيىمداستىرۋ كەرەك», دەدى ءا.سمايىلوۆ.