اسقار مارات ۇلى ءوزىنىڭ Instagram پاراقشاسىندا بۇگىن سوڭعى جۇمىس كۇنى ەكەنىن جازدى.
ونىڭ ايتۋىنشا, رەسپۋبليكالىق ماڭىزى بار 3,6 مىڭ شاقىرىم اۆتوجول قايتا جوندەۋ بويىنشا قۇرىلىس جۇمىستارىمەن قامتىلعان.
«سونداي-اق الماتىداعى «التىن وردا» بازارىنىڭ جول ايرىعىندا جول ءجۇرۋ قامتاماسىز ەتىلدى. «قىزىلوردا-جەزقازعان» جولىنىڭ قۇرىلىسى بويىنشا بارلىق كەلىسۋ راسىمدەرى ءوتتى. جوبا بيىل باستالادى. جول بويىنداعى سەرۆيستىڭ 20-دان استام وبەكتىسى اشىلدى. الەمنىڭ جەتەكشى بانكتەرىمەن ىنتىماقتاستىق تۋرالى بىرنەشە كەلىسىمگە, سونداي-اق ءىرى وتاندىق كومپانيالارمەن كوپجاقتى مەموراندۋمدارعا قول قويىلدى», دەپ جازدى ول.
ەكس-باسشىنىڭ ايتۋىنشا, قوعامدىق كەڭەس پەن كومپانيا قىزمەتىنىڭ اشىقتىعى مەن ايقىندىعىن قامتاماسىز ەتۋ جونىندەگى ارنايى كوميسسيا قۇرىلدى.
