باسقوسۋ بارىسىندا مينيسترلىك پەن قمدب-نىڭ بىرلەسىپ اتقاراتىن جۇمىستارى بويىنشا سىندارلى پىكىر الماسۋ بولدى. ءدىن سالاسىنداعى قىزمەتكەرلەر مينيسترگە كوكەيدە جۇرگەن وزەكتى ساۋالدارىن قويىپ, قوعامداعى راديكالدى ءدىني يدەولوگيانىڭ تارالۋىنا قارسى ءىس-قيمىل ماسەلەلەرى جان-جاقتى زەردەلەندى.
اسقار وماروۆ قازاقستان مۇسىلماندارى ءدىني باسقارماسى يمامدارىنىڭ جاستاردى رۋحاني قۇندىلىقتار مەن ادامگەرشىلىككە تاربيەلەۋدە, سونداي-اق ەل مۇسىلماندارىن دەسترۋكتيۆتى سيپاتتاعى ءتۇرلى كوزقاراستاردىڭ اسەرىنەن قورعاۋداعى ۇلكەن ءرولىن اتاپ ءوتتى.
«قاسىرەتتى قاڭتار» وقيعاسى كەزىندە باس مۋفتيدەن باستاپ, قمدب-نىڭ وڭىردەگى باس يمامدارى حالىقتى سابىر مەن تىنىشتىققا شاقىرۋ بويىنشا تاباندى ەڭبەك ەتكەندەرىڭىز ءۇشىن, سىزدەرگە ءوزىمنىڭ شىنايى العىسىمدى بىلدىرەمىن. بۇل - ەل الدىندا بارشامىزعا جۇكتەلگەن جاۋاپكەرشىلىگى جوعارى ءىس-ارەكەت دەپ تانيمىن», دەدى ۆەدومستۆو باسشىسى.
ءوز كەزەگىندە باس ءمۇفتي ناۋرىزباي قاجى تاعان ۇلى قازاقستان مۇسىلماندارى ءدىني باسقارماسى بيىل «يسلام - بەيبىتشىلىك پەن ىنتىماقتاستىق ءدىنى» تاقىرىبى اياسىندا اقپاراتتىق-اعارتۋشىلىق جۇمىستىڭ جەتى باعىتى بويىنشا ءىس-قيمىل باعدارلاماسىن قابىلداعانىن ايتتى.
كەزدەسۋ قورىتىندىسى بويىنشا قاتىسۋشىلار جاھاندىق ترەندتەرگە سايكەس اعارتۋشىلىق قىزمەتتەگى ءوزارا ءىس-قيمىلدى ارتتىرۋعا جانە اقپاراتتى تاراتۋدىڭ ءتيىمدى ادىستەرىن پايدالانۋعا دايىن ەكەندەرىن جەتكىزدى.
