ارىپتەستىك الىپپەسى

شىعىس قازاقستان وبلىسى عىلىمي ينتەگراتسيانىڭ دامۋىنا ايرىقشا دەن قويىپ وتىر. جاقىندا وبلىس ورتالىعىندا ۇلىبري­­تانيا مەن قازاقستان اراسىنداعى عىلىمي ىقپالداستىق شەڭبەرىندە «عىلىمي زەرتتەۋلەردى باعالاۋ جانە ىرىكتەۋ جۇيەسى. زەرتتەۋشىلىك قىزمەتتەگى ارىپتەستىكتى نىعايتۋ» اتتى حالىق­ارالىق سەمينار ءوتتى. وعان ەلىمىزدىڭ تۇكپىر-تۇكپى­رىنەن 300-دەن اسا جانە بريتا­نيا­لىق ۋنيۆەرسيتەتتەردىڭ 15 جەتەكشى زەرتتەۋشى-عالىمدارى كەلدى. ءبى­لىم جانە عىلىم مينيستر­­لىگىنىڭ قول­داۋىمەن ۇلتتىق عىلىمي-تەح­نيكالىق ساراپتاما ورتالىعى جانە بريتانيا كەڭەسىنىڭ (British Council) ۇيىمداستىرۋىمەن ەلى­مىزدە العاش رەت وسكەمەندە ءوت­كەن سەمينار جۇمىسىندا ەكى ەل اراسىنداعى عىلىمي ينتەگراتسيا يگىلىكتەرى مەن مينەرالدى بايلىق كوزدەرىن ءتيىمدى پايدالانۋ بويىنشا ارىپتەستىكتى دامىتۋ ماسەلەلەرى قارالدى. مەملەكەت باسشىلارىنىڭ كە­لىسسوزدەرىنە سايكەس, ەكى ەل ارا­سىن­داعى عىلىمي ىقپالداستىق ودان ءارى دامۋعا بەت العانىن بايقاتاتىن جيىندا مينيسترلىكتىڭ عىلىم كوميتەتى توراعاسىنىڭ ورىنباسارى اماندىق تولەشوۆ ءسوز الدى. ول حالىقارالىق شارانىڭ تۇڭعىش رەت شىعىس قازاقستان وبلىسىندا ءوتىپ جاتقانىن, ەلباسىنىڭ عىلىمدى ەكونوميكانىڭ باستى دامىتۋشى كۇشىنە اينالدىرۋ جونىندەگى تاپسىرمالارىن جۇزەگە اسىرۋ ءۇشىن ۇلتتىق عىلىمي-تەحنيكالىق ساراپتاما ورتالىعى قۇرىلعانىن اتاپ ءوتتى. قازىرگى كەزدە اتالعان ورتالىقتا عىلىمي جاڭالىعى بار جوبالاردى جۇزەگە اسىرۋ تەتىكتەرى قالىپتاسۋدا. الداعى ەكى جىلدا كوميتەت بەس باسىم قا­عيدات بويىنشا جۇمىس ىستەيتىن بولادى. ماسەلەن, ونەركاسىپتىك يننوۆاتسيالار مەن سينحروندىلىق قاعيداتى عىلىمي جاڭالىقتاردىڭ جەرگىلىكتى وندىرىسكە بەيىمدىلىگىن تالاپ ەتەدى. بۇل يندۋستريالاندىرۋ باعدارلاماسى اياسىنداعى گرانتتاردىڭ بەرىلۋىنە جول اشادى. ينفراقۇرىلىمدى دامىتۋ ۇستانىمى بويىنشا عىلىمي جانە ينجەنەرلىك زەرتحانالار اشىلىپ, تەحنوپاركتەر جۇيەسى قا­لىپتاسپاق. عىلىمي قىزمەتتىڭ قارجىلاندىرىلۋىن جەتىلدىرۋ دە كوزدەلىپ وتىر. اتالعان باعىت بويىنشا جەرگىلىكتى وندىرىسكە تىكەلەي قاتىسى بار عىلىمي جوبالاردىڭ 25 پايىزىن كاسىپكەرلىك نىسان­دارى قارجىلاندىرادى. ەل ەكو­نو­ميكاسىنىڭ ستراتەگيالىق با­عىتتارىنا قىزمەت ەتەتىن قازاق عىلىمىنداعى گرانتتارعا جاسى 35-تەن اسپاعان زەرتتەۋشىلەر تارتىلاتىن بولادى. بريتانيا كەڭەسىنىڭ ديرەكتورى سايمون ۋيليامس ۇلىبريتانيادا دارىندى عالىمداردى قولدايتىن حالىقارالىق نيۋتون قورى قۇرى­لىپ جاتقانىن, بۇل ۇيىم قا­زاقستاندى دا قامتيتىنىن جەتكىزسە, «نازارباەۆ ۋني­ۆەرسي­تەتى» جەر عىلىمدارى ورتالىعىنىڭ ديرەكتورى اسقار مۇنارا ەلىمىزدە گەولوگيالىق ينفراقۇرىلىم قايتا ءتۇزىلىپ, زاماناۋي زەرتحانالار اشۋ جوسپارلانىپ وتىرعانىن ايتتى. بۇل – جاس عالىمداردىڭ گەولوگيا سالاسىنا بەت بۇرۋىنا, مونوقالالاردىڭ دامۋىنا دا وڭ اسەر ەتەدى دەپ كۇتىلۋدە. ەكى ەل اراسىنداعى عىلىمي ىقپالداستىقتىڭ ارتۋىنا وتان­دىق عالىمدار دا, بريتاندىق زەرتتەۋشىلەر دە مۇددەلى. حالىقارالىق شارا بارىسىندا مەيماندار ءوڭىردىڭ جەتەكشى كاسىپورىندارى مەن ءىرى كەن ورىندارىندا بولدى. دۋمان اناش, «ەگەمەن قازاقستان». شىعىس قازاقستان وبلىسى.