زەينەتاقى اكتيۆتەرى: كىرىستىلىگى ءھام ينفلياتسيا

2022 جىلدىڭ 1 قاڭتارىنداعى جاع­داي بويىنشا قور سالىم­شى­لا­رى­نىڭ جيناقتارى 13,1 ترلن تەڭگەدەن استى. بۇل سوما زەينەتاقى جارنالارىنان جانە ينۆەستيتسيالىق تابىستان تۇرادى. ءبىر جىل ىشىندەگى ينۆەس­تيتسيالىق تابىس 1,4 ترلن تەڭگە­نى قۇرادى. بۇل ءبىر جىل بۇرىنعى كورسەتكىشتەن 138,2 ملرد تەڭگەگە نەمەسە 11 پايىزعا كوپ. وسىلايشا, باس بانكتىڭ باسقارۋىنا بەرىلگەن زەينەتاقى اكتيۆتەرىنىڭ كىرىستىلىگى 2021 جىلدىڭ باسىنان بەرى 11,13 پايىزعا تەڭ بولدى. ال بۇل ارالىق­تاعى ينفلياتسيا 8,4 پايىزدى قۇرادى.

تىلگە تيەك ەتىپ وتىرعان ينۆەس­تي­تسيالىق تابىستىڭ قۇرامىنا با­عا­لى قاعازدار سىياقىسى, قارجى قۇ­رال­دا­رىن نارىقتىق تۇرعىدان قايتا باعالاۋ, ۆاليۋتالىق قايتا باعالاۋ تۇ­رىندەگى كىرىستەر جانە سىرتقى باس­قا­رۋ­داعى اكتيۆتەردىڭ كىرىستەرى كىرەدى.

جالپى, بارلىق زەينەتاقى اكتيۆ­تە­رى بجزق-عا بىرىكتىرىلگەن سات­تەن باستاپ ۇلتتىق بانك قامتا­ما­سىز ەتكەن ينۆەستيتسيالىق تابىس 6,04 ترلن تەڭگەگە جەتتى. بۇل رەتتە 2022 جىلدىڭ 1 قاڭتارىنداعى جاعداي بويىنشا جيناقتاۋشى زەينەتاقى جۇيەسىنىڭ قۇرىلعان كۇنىنەن باستاپ (1998 جىل) ينۆەستيتسيالىق كىرىستىلىگى 681,13 پا­يىزدى, ال ينفلياتسيا 546,77 پايىزدى قۇراعان. وسىلايشا, جيناقتاۋشى زەينەتاقى جۇيەسى قولدانىسقا ەنگەن كەزدەن باستاپ 2022 جىلدىڭ 1 قاڭتارىنا دەيىنگى كەزەڭدە زەينەتاقى اكتيۆتەرىنىڭ ناقتى كىرىستىلىگى 134,36 پايىزعا تەڭ بولدى.

وسى ورايدا زەينەتاقى جيناق­تا­رىنىڭ ۇزاق مەرزىمدى ينۆەستيتسيا­لار­عا جاتاتىنىن اتاپ ءوتۋ كەرەك. سوندىقتان ينۆەستيتسيالىق تابىس مول­شەرىنىڭ كەمىندە 1 جىلدىق كەزە­ڭى­ن­ە تالداۋ جۇرگىزۋ ورىندى. ويتكەنى اپتا سايىنعى, اي سايىنعى قىسقا مەرزىمدى دەرەكتەر ايقىن ناتيجەنى كورسەتپەيدى.

ينۆەستيتسيالىق باسقارۋدىڭ جانە زەينەتاقى اكتيۆتەرىن ەسەپكە الۋ­دىڭ بارلىق جۇيەسى اشىق ەكەنىن ۇمىت­پاعان ابزال. ءاربىر سالىمشى ءوزىنىڭ ينۆەستيتسيالىق تابىسىن enpf.kz سايتىنداعى نەمەسە ءموبيلدى قوسىمشاداعى جەكە كابينەتتەن كورە الادى. ال زەينەتاقى اكتيۆتەرىن قاي­تا باعالاۋ اپتا سايىن جانە ايدىڭ سوڭ­عى كۇنى جۇرگىزىلەدى.