ساياساتتاعى باسەكەلەستىك جالپى قوعامنىڭ, ەكونوميكانىڭ دامۋىنا باستايتىنى ءسوزسىز. سونداي-اق سايلاۋدا ساياسي پارتيالاردىڭ لەگيتيمدى جەڭىسكە جەتۋى وزگە پارتيالار اراسىنداعى دودانى ارتتىرا تۇسپەك.
پرەزيدەنت ءوز سوزىندە پارلامەنتتىك جانە پارتيالىق جۇيەنى رەفورمالاۋ تۋرالى ايتىپ ءوتتى. سونداي-اق مەملەكەت باسشىسى پارلامەنتتىڭ تومەنگى پالاتاسىندا بىرنەشە مىقتى پارتيا بولۋعا ءتيىس دەگەن پىكىر ءبىلدىردى. بۇل ەلىمىزدەگى ساياسي رەفورمانىڭ نەگىزى باعىتتارى دەپ ويلايمىن. كوپپارتيالىقتان قورىقپاۋ كەرەك. باسەكەلەس پارتيالار ارقىلى ساياسي مادەنيەت قالىپتاسادى.
قازىر قازاقستاندىق ساياسي مادەنيەتتى قالىپتاستىرۋ جايىندا ءجيى ايتىلىپ جاتىر. پارلامەنتتە باسەكەلەس بىرنەشە پارتيانىڭ بولۋى قوعامىمىزدا ساياسي مادەنيەتتىڭ نىعايۋىنا ىقپال ەتەدى. پارتيالار قوعامنىڭ ءتۇرلى جىگى مەن توبىنىڭ مۇددەسىن قورعايدى. بۇل ماسەلەلەر, ەڭ الدىمەن, الاڭدا ەمەس, پارلامەنت قابىرعاسىندا كوتەرىلۋى كەرەك.
رۋسلان احماعانبەتوۆ,
ءال-فارابي اتىنداعى
قازۇۋ اعا وقىتۋشىسى,
PhD دوكتورانت
