دەموكراتيالىق داستۇرلەرى مەن تاجىريبەسى ءالى ءپىسىپ-جەتىلمەگەن ورتا ءۇشىن بالكىم جالعىز دا وڭتايلى جول وسى. اينالىپ كەلگەندە پوپۋليزمگە سالىنىپ, «بيتكە – وكپەلەپ, توندى وتقا تاستاي سالۋ» وڭايدىڭ وڭايى. ال بارىمىزدى ساقتاي وتىرىپ, ورىن العان قاتەلىكتەردى تۇزەتۋ – جاۋاپتى ساياساتتىڭ كورىنىسى. اتاپ ايتقاندا, مەملەكەت باسشىسى وتكەن جىلعى سايلاۋدا پارتيا حالىقتىڭ بىلدىرگەن سەنىمىن جەتكىلىكتى دارەجەدە اقتاي المادى, سالدارىنان الەۋمەتتىك-ەكونوميكالىق احۋالدىڭ ناشارلاۋىنا جول بەردى دەدى. سايلاۋالدى باعدارلامانىڭ ىسكە اسىرىلۋى كوپشىلىك جاعدايدا كوڭىل كونشىتپەيدى. مۇنىڭ سوڭى قوعامداعى نارازىلىقتىڭ كۇشەيۋىنە الىپ كەلدى. پرايمەريزدى جۇرگىزىپ پارتيانىڭ ىشتەي جاڭارعانى, وكىنىشكە قاراي, ەلدەگى قوردالانعان تۇيتكىلدەردى ەڭسەرۋگە ءالى جەتپەدى. سوندىقتان باستى ماقسات ورىن العان كەمشىلىكتەردى شىنايىلىقپەن مويىنداپ, حالىقتىڭ مۇددەسىن قورعاۋ تۇرعىسىندا كادرلىق تاعايىنداۋلارمەن قاتار ناقتى تاپسىرمالار بەرىلدى. جاڭا توراعانىڭ ءسوز بەن ءىستىڭ ساباقتاستىعىنا ەرەكشە ءمان بەرەتىنىن ەسكەرسەك, الداعى ۋاقىتتا پارتيانىڭ جۇمىسىنا جان بىتەدى دەگەن ءۇمىت زور.
راسۋل جۇمالى,
ساياساتتانۋشى
