تورتكىل دۇنيە كوز تىككەن اق وليمپيادانىڭ باستالۋىنا ساناۋلى كۇندەر قالدى. ەل قۇراماسىنىڭ ساڭلاقتارى قازىر وليمپيادا قالاشىعىندا جارىس الدىنداعى جاتتىعۋىن پىسىقتاپ جاتىر. ۇلتتىق قۇراما مۇشەلەرى بۇعان دەيىنگى جولداما ءۇشىن بولعان سايىستاردا ۇزدىكتەر كوشىن باستادى. ەل سەنىمىن ارقالاعان وتانداستارىمىز وليمپيادا ويىندارىندا جوعارى ناتيجە كورسەتىپ, جەڭىس تۇعىرىنان كورىنەدى دەپ سەنەمىز.
«اق وليمپيادانىڭ باستالۋىنا ساناۋلى كۇندەر قالدى. ليتسەنزيا ۇتىپ العان سپورتشىلارىمىزدىڭ ءبارىن قۇتتىقتاعىم كەلەدى. وليمپياداشىلارعا ەندى باستاعان ءىسىن سوڭىنا دەيىن جەتكىزىپ, جەڭىس تۇعىرىنان كورىنۋ عانا قالدى. ءبىز سىزدەرگە سەنىم ارتامىز. الداعى سىندا تەك جەڭىس تىلەيمىز», دەدى اۋىر اتلەتيكادان الەم چەمپيونى يليا يلين.
XXIV قىسقى وليمپيادا قازاق سپورتىنىڭ تاريحىندا التىن ارىپپەن جازىلارى ءسوزسىز.
التى قۇرلىق الدىنا ايبىنىمىز اسقاق, ابرويىمىز بيىك بولعاي! سپورتشىلارعا ساتتىلىك تىلەيمىز! العا قازاقستان!
