2014 جىلعى 16 ناۋرىزدا قىرىم اۆتونوميالىق رەسپۋبليكاسىندا رەفەرەندۋم وتكىزىلۋىنە بايلانىستى قازاقستان ءوزىنىڭ بۇۇ جارعىسىندا بەكىتىلگەن حالىقارالىق قۇقىقتىڭ ىرگەلى قاعيداتتارىنا بەرىك ۇستانىمىن تاعى دا اتاپ وتەدى. بۇل تۋرالى قازاقستان رەسپۋبليكاسى سىرتقى ىستەر مينيسترلىگىنىڭ رەسمي سايتى حابارلادى.
«قازاقستاندا قىرىمدا وتكەن رەفەرەندۋمدى وسى اۆتونوميالىق رەسپۋبليكا حالقىنىڭ ءوز قالاۋىن ەركىن ءبىلدىرۋى رەتىندە قابىلدادى جانە ورىن العان جاعدايدا رەسەي فەدەراتسياسىنىڭ شەشىمىنە تۇسىنىستىكپەن قارايدى. ءبىز ۋكراينانىڭ داعدارىستان بەيبىت تۇردە شىعۋىن قولدايمىز جانە ونى بۇۇ جانە باسقا دا بەدەلدى حالىقارالىق ۇيىمداردىڭ قولداۋىمەن كەلىسسوزدەر جولىمەن ەڭسەرۋىن قالايمىز», - دەلىنگەن حابارلامادا.
دەرەككوز: سىرتقى ىستەر مينيسترلىگىنىڭ رەسمي سايتى.
فوتو: Gazeta.kz.
