ىزدەۋدە جۇرگەن ەلەنا دانيلوۆا ەلىمىزگە جەتكىزىلدى

بۇگىن قازاقستان رەسپۋبليكاسى باس پروكۋراتۋراسىنىڭ سۇراتۋى بويىنشا بىرىككەن اراب امىرلىكتەرىنەن «قازاقستان مەنەدجمەنت, ەكونوميكا جانە بولجاۋ ينستيتۋتى» اق-نىڭ بۇرىنعى باس بۋحگالتەرى ەلەنا دانيلوۆا ەكستراديتسيالاندى. ول 14 ميلليوننان استام تەڭگەنى ۇرلادى دەپ ايىپتالۋدا. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى. ە.دانيلوۆا قازاقستاننان تىس جەردە جاسىرىنۋىنا بايلانىستى وعان ينتەرپول بويىنشا ىزدەۋ جاريالاندى.ىزدەستىرۋ ءىس-شارالارىنىڭ ناتيجەسىندە 2011 جىلدىڭ مامىرىندا دانيلوۆانىڭ بىرىككەن اراب امىرلىكتەرىنىڭ اۋماعىندا ەكەنى انىقتالدى. وسىعان بايلانىستى قازاقستان رەسپۋبليكاسىنىڭ باس پروكۋراتۋراسى ونى بەرۋ تۋرالى سۇراتۋ جولدادى. 2013 جىلى بىرىككەن اراب امىرلىكتەرىنىڭ ادىلەت مينيسترلىگى كۇدىكتىنى قىلمىستىق جاۋاپكەرشىلىككە تارتۋ ءۇشىن قازاقستانعا ەكستراديتسيالاۋ تۋرالى شەشىم شىعارعان بولاتىن. بىرىككەن اراب امىرلىكتەرىندە دانيلوۆانىڭ مۇددەلەرىن ءبىر توپ ادۆوكات قورعادى جانە ولار بەرۋ تۋرالى قازاقستاندىق سۇراتۋدى قاناعاتتاندىرۋدان باس تارتۋعا قول جەتكىزبەكشى بولدى. ولاردىڭ شاعىمدارى بويىنشا قازاقستاننىڭ باس پروكۋراتۋراسى ارابتار تاراپىنا بىرنەشە رەت قوسىمشا ماتەريالدار ۇسىندى. قازاقستان رەسپۋبليكاسىنىڭ باس پروكۋراتۋراسى مەن ينتەرپول بيۋروسىنىڭ ۇلتتىق ورتالىعى, ىشكى ىستەر مينيسترلىگى جانە وزگە دە مۇددەلى ۆەدومستۆولاردىڭ ۇيلەسىمدى جۇمىسىنىڭ ناتيجەسىندە ە.دانيلوۆا ءابۋ-دابيدەن الماتىعا اۋە رەيسىمەن جەتكىزىلىپ, ۋاقىتشا ۇستاۋ اباقتىسىنا قامالدى. ءامىرحان الماعانبەتوۆ. دەرەككوز: باس پروكۋراتۋرانىڭ ءباسپاسوز قىزمەتى فوتو: Munara.kz.