قاۋىپتى ىندەتتەن قورعانۋدىڭ جالعىز جولى ول – رەۆاكتسينالاۋ. سوڭعى ۋاقىتتا الەمدە دە, ەلىمىزدە دە اۋرۋ سانى قايتادان وسۋدە. سوندىقتان تەاتر ديرەكتورى اسحات ماكسيم ۇلى ماەميروۆ باستاعان تەاتر ۇجىمى ەكپە سالدىردى.
«اقپان ايىنان باستاپ مۋزىكالىق جاس كورەرمەن تەاترى قويىلىمدارىن ءوز كورەرمەندەرىنە تارتۋ ەتەدى. ال كورەرمەندەردىڭ قاۋىپسىزدىگى ءبىز ءۇشىن ءبىرىنشى كەزەكتە. سوندىقتان ولاردىڭ قويىلىمدى قاۋىپ-قاتەرسىز, ەمەن-جارقىن جوعارى كوڭىل-كۇيمەن تاماشالاپ وتىرۋى ءبىز ءۇشىن ماڭىزدى. تەاتر باسشىسى رەتىندە ءوزىم باستاپ, بۇكىل ۇجىم بولىپ رەۆاكتسيناعا قاتىسىپ جاتىرمىز.
قازىر 20-دان استام تەاتر ارتيستەرى ەكپەنىڭ ءۇشىنشى كومپونەنتىن الدى. رەۆاكتسيناتسيا تەاتر قىزمەتكەرلەرى تولىق وتكەنشە جالعاسا بەرەدى. جالپى, جاپپاي رەۆاكتسينالاۋ ارقىلى ۇجىمدىق يممۋنيتەت قالىپتاسقاندا عانا ىندەتتى جەڭەتىنىمىز بەلگىلى. سوندىقتان, بارلىق وتانداستارىمىزدى, ەل ازاماتتارىن رەۆاكتسينالاۋعا شاقىرامىز» دەدى تەاتر ديرەكتورى اسحات ماكسيم ۇلى.
الداعى ۋاقىتتا تەاترعا كورەرمەندەردىڭ كەلۋىنە مۇمكىندىكتەر جاسالىپ جاتىر. سوندىقتان ساحنادا ونەر كورسەتەتىن تەاتر ارتيستەرى ەرەجە بويىنشا ەكپەنىڭ ەكىنشى كەزەڭىنەن سوڭ 6 ايدان كەيىن وزدەرى كەلىپ رەۆاكتسينالاۋدان وتە بەرەتىن بولادى.
