ۇكىمەت • 28 قاڭتار، 2022

ۇكىمەت باسشىسى دەنساۋلىق ساقتاۋ جۇيەسىنە اۋديت جۇرگىزۋدى تاپسىردى

533 رەت كورسەتىلدى

ۇكىمەت باسشىسى ءاليحان سمايىلوۆ دەنساۋلىق ساقتاۋ جۇيەسىنىڭ تيىمدىلىگىن ارتتىرۋ ماسەلەلەرى بويىنشا كەڭەس وتكىزدى، دەپ حابارلايدى Egemen.kz قر پرەمەر-ءمينيسترىنىڭ ءباسپاسوز قىزمەتىنە سىلتەمە جاساپ.

ۇكىمەت باسشىسى دەنساۋلىق ساقتاۋ مينيسترلىگىندە جانە الەۋمەتتىك مەديتسينالىق ساقتاندىرۋ قورىندا (امسق) بولىنەتىن قاراجاتتىڭ تيىمدىلىگىن باقىلاۋدى ۇيلەستىرۋ جانە باعالاۋ جۇيەسىن سىنعا الدى.

2021 جىلى دەنساۋلىق ساقتاۋعا ارنالعان مەملەكەتتىك شىعىستار 2،3 ترلن تەڭگەنى نەمەسە ءجىو-ءنىڭ 2،9%-ىن قۇرادى. بۇل رەتتە دەنساۋلىق ساقتاۋعا ارنالعان رەسپۋبليكالىق بيۋدجەت قاراجاتىنىڭ 90%-عا جۋىعىن امسق اكىمشىلەندىرەدى.

پرەمەر-مينيستر امسق-نىڭ بارلىق كورسەتكىشتەرى تىم جالپى جانە حالىقتىڭ مەديتسينالىق كومەككە، سونداي-اق ولاردى قاناعاتتاندىرۋ ءۇشىن مەديتسينالىق ۇيىمدارعا ناقتى قاجەتتىلىگىن ناشار كورسەتەتىنىن اتاپ ءوتتى. وسىعان بايلانىستى ۇكىمەت باسشىسى قاراجاتتى جۇمساۋ تيىمدىلىگى ينديكاتورلارىنىڭ جانە قور قىزمەتىن باقىلاۋدىڭ ناقتى جۇيەسىن ازىرلەۋدى تاپسىردى.

«بۇگىندە وڭىرلەردەگى مەديتسينالىق قىزمەتتەردىڭ 100%-ى قوردان قارجىلاندىرىلادى، بۇل حالىققا مەديتسينالىق كومەك كورسەتۋدى ۇيىمداستىرۋ جاۋاپكەرشىلىگىنىڭ ارتۋىنا الىپ كەلەدى. بۇل، اسىرەسە، وتكەن جىلدىڭ سوڭىندا، الماتى جانە جاڭاوزەن قالالارىندا جەدەل مەديتسينالىق كومەك قىزمەتىن قارجىلاندىرۋ جانە ۇيىمداستىرۋ ماسەلەلەرى تۋىنداعان كەزدە بايقالدى»، دەدى ءا.سمايىلوۆ.

ۇكىمەت باسشىسى امسق مەملەكەتتىك قاراجاتتى اكىمشىلەندىرۋدەن بىرتىندەپ الشاقتاپ، ساقتاندىرۋ مەديتسيناسىن دامىتۋ ماسەلەلەرىنە جانە قارجىلاندىرۋدىڭ قوسىمشا كوزدەرىن ىزدەۋگە نازار اۋدارۋ قاجەتتىگىن اتاپ ءوتتى. ول قىسقا مەرزىمدە دەنساۋلىق ساقتاۋ ينفراقۇرىلىمىنا تاۋەلسىز كەشەندى تەحنيكالىق اۋديت جانە تۇگەندەۋ جۇرگىزۋدى، سونىڭ ىشىندە جابدىقتارمەن جانە مەديتسينالىق-تەحنولوگيالىق جۇيەلەرمەن جاراقتاندىرۋدى، انا مەن بالا، ونكولوگيا، تراۆماتولوگيا، كارديو -، نەيروحيرۋرگيا، ينفەكتسيالىق اۋرۋلار سياقتى باسىم باعىتتار بويىنشا وڭىرلەردىڭ مەديتسينالىق ينفراقۇرىلىمىن دامىتۋ كارتاسىن ازىرلەۋدى تاپسىردى.

ا. سمايىلوۆ مەديتسينالىق پەرسونالدى ديپلومنان كەيىنگى وقىتۋ باعدارلاماسىن ازىرلەۋ، دەنساۋلىق ساقتاۋ جۇيەسىن زاماناۋي جابدىقتا جۇمىس ىستەي الاتىن جانە جاڭا تەحنولوگيالاردى يگەرە الاتىن كادرلارمەن قامتاماسىز ەتۋ قاجەتتىگىن اتاپ ءوتتى.

ۇكىمەت باسشىسى دەنساۋلىق ساقتاۋ مينيسترلىگىنە ۋاكىلەتتى ورگاندارمەن بىرلەسىپ، قىسقا مەرزىمدە سالانى باسقارۋ، ينۆەستيتسيالىق جوسپارلاۋ، قارجىلاندىرۋ جانە بيۋدجەتارالىق قاتىناستار جۇيەسىن جەتىلدىرۋ بويىنشا شارالار قابىلداۋدى تاپسىردى.

«باستى مىندەت – دەنساۋلىق ساقتاۋدىڭ ءتيىمدى جۇيەسىن قالىپتاستىرۋ. بارلىق ۇسىنىستار ۇكىمەتتىڭ 2022 جىلعا ارنالعان ءىس-قيمىل جوسپارىنا ەنگىزىلۋى ءتيىس، ونى ازىرلەۋ مەن بەكىتۋ اياقتالۋعا جاقىن»، دەپ تۇيىندەدى ءا.سمايىلوۆ.

سوڭعى جاڭالىقتار

يكبال الەمى

تانىم • كەشە

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

ۇقساس جاڭالىقتار