قالالىق وزبەك دراما تەاترىندا بولعان كەزدەسۋدە اتالعان 7 ەلدى مەكەننىڭ بەلسەندىلەرىمەن اشىق سۇحبات بولدى.
جيىنعا كەلگەن ەلدى مەكەن بەلسەندىلەرى كوشەلەردى جارىقتاندىرۋ, اۋىز سۋ, ىشكى ورامدىق كوشەلەرگە ورتاشا جوندەۋ جۇرگىزۋ, وتەمىس تۇرعىن الابىنداعى 1960 جىلى سالىنعان كلۋبتىڭ ورنىنا جاڭا عيمارات سالۋ, قاتتى تۇرمىستىق قالدىقتاردى شىعارۋ ماسەلەسى مەن كارىز جۇيەسىمەن قامتۋ, بالالار ويىن الاڭشاسىن سالۋ, يرريگاتسيالىق ارىقتار ورناتۋ سىندى وتىنىشتەرىن جەتكىزدى.
مۇرات ايتەنوۆ ءاربىر ماسەلەگە ەگجەي-تەگجەيلى توقتالىپ, شەشۋ جولدارىن سالا جەتەكشىلەرىمەن تالقىلادى.
- ءبىز ارقاشان ديالوگقا اشىقپىز, قالا تۇرعىندارى ءۇشىن جايلى جاعداي جاساۋ اكىمدىكتىڭ باستى مىندەتى ەكەنىن جەتكىزگىم كەلەدى. تۇيتكىلدى پروبلەمالار مەملەكەتتىك باعدارلامالار شەڭبەرىندە شەشىلەتىن بولادى, - دەدى شاحار باسشىسى.
