«وتكەن جىلى ءبىز 15 مەكتەپتىڭ قۇرىلىسىن اياقتاۋدى جوسپارلادىق. بۇگىندە قۇرىلىس جۇمىستارى اياقتالدى. بيۋدجەتتىك ينۆەستيتسيالىق جوبا اياسىندا مايقايىڭ, تايبۋرىل, وقجەتپەس-بوكەەۆ كوشەلەرىندەگى, ناجىمەدەنوۆ - ساتپاەۆ قيىلىسىنداعى مەكتەپتەردىڭ قۇرىلىسى اياقتالدى. مەملەكەتتىك-جەكەشەلىك ارىپتەستىك شەڭبەرىندە ءتورت مەكتەپتىڭ, اتاپ ايتقاندا, 28, 38 كوشەلەردە 2000 ورىندىق مەكتەپتىڭ, بۇقار جىراۋ كوشەسىندەگى 2000 ورىندىق مەكتەپتىڭ, بايتۇرسىنوۆ كوشەسىندەگى 2000 ورىندىق مەكتەپتىڭ, سونداي-اق جاعالاۋ شاعىن اۋدانىندا ورنالاسقان مەكتەپتىڭ قۇرىلىسى اياقتالدى», دەدى نۇر-سۇلتان قالاسى قۇرىلىس باسقارماسىنىڭ باسشىسى ارسەن جانعاسكانوۆ قالالىق ءماسليحات وتىرىسىندا.
باسقارما باسشىسىنىڭ مالىمەتىنشە, وتكەن جىلى ءوندىرىس كوشەسى مەن كوكتال شاعىن اۋدانىندا ەكى دەنە شىنىقتىرۋ-ساۋىقتىرۋ كەشەنى پايدالانۋعا بەرىلدى.
