الەم • 26 قاڭتار، 2022

فلوريدا جاعالاۋىندا ميگرانتتار مىنگەن قايىق باتىپ كەتتى

70 رەت كورسەتىلدى

فلوريدا جاعالاۋىندا 39 ميگرانت مىنگەن قايىق باتىپ كەتتى. ولار باگام ارالدارىنان اقش-قا كىرۋگە تىرىسقان. ازىرگە اپاتتان ءتىرى قالعان ءبىر ادام تابىلدى، دەپ حابارلايدى Egemen.kz BBC اگەنتتىگىنە سىلتەمە جاساپ.

ميگرانتتار جۇزگەن قايىق سەنبى كۇنى باتىپ كەتتى، ال سەيسەنبى كۇنى تاڭەرتەڭ فورت-پيرس قالاسىنان 72 شاقىرىم جەردە بالىقشىلار قايىقتىڭ كورپۋسىن ۇستاپ تۇرعان ادامدى بايقاعان. قۇتقارىلعان ەر ادام قايىق بيميني ارالىنان شىعىپ، داۋىلعا تۇسكەنىن ايتتى. ونىڭ ايتۋىنشا، قايىقتا 39 ادام بولدى، ولاردىڭ بارلىعى قۇتقارۋ كەۋدەشەلەرىنسىز قالعان.

بيميني - باگام ارالدارىنىڭ ەڭ باتىس اۋدانى جانە ماياميدەن شامامەن 130 كم قاشىقتىقتا ورنالاسقان.

اقش جاعالاۋ كۇزەتى قايىقتىڭ يەلەرى ادام كونترابانداسىمەن اينالىسقان دەپ سانايدى.

وقيعا ورنىنا قۇتقارۋ قايىقتارى مەن تىكۇشاقتار جۇمىلىدىرىلدى، بىراق ءالى كۇنگە دەيىن ءتىرى قالعان بىردە-ءبىر ادام تابىلعان جوق. ىزدەۋ ايماعىنىڭ ەنى - 217 كم.

بۇل فلوريدا سۋلارىندا زاڭسىز ميگرانتتاردىڭ كۋبا مەن گايتيدەن اقش-قا كىرۋگە تىرىسقان ءبىرىنشى جاعدايى ەمەس ەكەنى انىقتالدى. كەيبىرەۋلەر امەريكاندىق جاعالاۋعا جەتە العانىمەن، وندا ولاردى جاعالاۋ كۇزەتى ۇستاپ الادى.

وتكەن جۇمادا كۇزەت قىزمەتكەرلەرى باگام ارالدارىنان باتىسقا قاراي بەت العان قايىقتا 88 گايتيالىقتى تاپتى.

سوڭعى جاڭالىقتار

يكبال الەمى

تانىم • كەشە

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

ۇقساس جاڭالىقتار