قوعام • 26 قاڭتار، 2022

قازاقستاندا جەكە تۇلعالاردىڭ تابىسى مەن مۇلكى تۋرالى دەكلاراتسيا تاپسىرۋ باستالدى

206 رەت كورسەتىلدى

بۇل تۋرالى قر قارجى مينيسترلىگىنىڭ مەملەكەتتىك كىرىستەر كوميتەتىنەن ءمالىم ەتتى، دەپ حابارلايدى Egemen.kz.

«2021 جىلى جالپىعا بىردەي دەكلاراتسيالاۋدىڭ ءبىرىنشى كەزەڭىنىڭ اكتيۆتەر مەن مىندەتتەمەلەر تۋرالى دەكلاراتسيانى (250.00 نىسان) تاپسىرۋ مەرزىمى اياقتالدى. ءبىرىنشى كەزەڭ اياسىندا دەكلاراتسيانى مەملەكەتتىك قىزمەتشىلەر مەن ولارعا تەڭەستىرىلگەن تۇلعالار، سونداي-اق ولاردىڭ جۇبايلارى (زايىپتارى) ۇسىنعان. وسى جىلدان باستاپ بۇل تۇلعالار جىل سايىن تابىسى مەن مۇلكى تۋرالى دەكلاراتسيانى تاپسىراتىن بولادى (270.00 نىسان). وندا ەسەپتى كۇنتىزبەلىك جىلى الىنعان كىرىستەرى، سالىق شەگەرىمدەرى، مۇلكى، قازاقستان رەسپۋبليكاسىنان تىسقارى جەردە ورنالاسقان شەتەلدىك بانكتەردەگى بانكتىك شوتتارداعى اقشا، سونداي-اق قازاقستان رەسپۋبليكاسىنان تىسقارى جەرلەردەگى م ۇلىكتى ساتىپ الۋ جانە (نەمەسە) يەلىكتەن شىعارۋ تۋرالى مالىمەتتەر كورسەتىلەدى»، دەپ اتاپ ءوتتى كوميتەتتەن.

ۆەدومستۆو مالىمەتىنشە، كىرىستەرى مەن مۇلكى تۋرالى دەكلاراتسيانى «سالىق تولەۋشىنىڭ كابينەتى» (kgd.gov.kz)، eSalyq اzamat ءموبيلدى قوسىمشاسى ارقىلى، سونداي-اق قاعاز تۇرىندە مەملەكەتتىك كىرىستەر ورگاندارىنا نەمەسە حالىققا قىزمەت كورسەتۋ ورتالىقتارىنا كەلىپ قولما-قول تاپسىرۋعا نەمەسە پوشتا ارقىلى جىبەرۋگە بولادى.

ءبىرىنشى كەزەڭدەگى جەكە تۇلعالار ءۇشىن تابىسى مەن مۇلكى تۋرالى دەكلاراتسيانى قاعاز تۇرىندە 2022 جىلدىڭ 15 شىلدەسىنەن كەشىكتىرمەي، ەلەكتروندى تۇردە 2022 جىلدىڭ 15 قىركۇيەگىنەن كەشىكتىرمەي تاپسىرۋ قاجەت.

سوڭعى جاڭالىقتار

ۇقساس جاڭالىقتار