اقش-تىڭ ەقىۇ جانىنداعى تۇراقتى وكىلى, ەلشى مايكل كارپەنتەر قاڭتار وقيعاسىندا قازا تاپقان قازاقستاندىقتارعا كوڭىل ايتىپ, قازاقستاننىڭ ەگەمەندىگى مەن تاۋەلسىزدىگىنە قولداۋ كورسەتىپ وتىرعانىن جەتكىزدى.
ء«بىز قازاقستان حالقى مەن ونىڭ كونستيتۋتسيالىق قۇرىلىسىنىڭ تۇراقتىلىعىنا, سونداي-اق ولاردىڭ وسى داعدارىستان قالپىنا كەلۋ قابىلەتىنە سەنەمىز», دەپ اتاپ ءوتتى امەريكالىق ديپلومات.
اقش مەملەكەتتىك حاتشىسى ە.بلينكەننىڭ سوزىنە سىلتەمە جاساي وتىرىپ, م. كارپەنتەر ۆاشينگتوننىڭ قازاقستانمەن سەرىكتەستىككە بەيىلدىلىگىن جانە پرەزيدەنت قاسىم-جومارت توقاەۆ ۇسىنعان رەفورمالارعا قولداۋ كورسەتەتىنىن ايتتى.
م.كارپەنتەر قازاقستاندىق بيلىكتى تەرگەۋدىڭ اشىقتىعىن جانە قاجەتتى قۇقىقتىق راسىمدەردىڭ ساقتالۋىن قامتاماسىز ەتۋگە, سونداي-اق ءوز نارازىلىعىن بىلدىرگەن بەيبىت جولمەن جانە زورلىق-زومبىلىق پەن توناۋعا قاتىسۋشىلار اراسىندا سارالاۋدى قامتاماسىز ەتۋگە, ۇستالعان ادامداردىڭ بارلىق ساناتتارى ءۇشىن ءتيىستى قۇقىقتىق ءراسىمدى قامتاماسىز ەتۋگە شاقىردى.
سونداي-اق مالىمدەمەدە ۇكىمەت پەن ازاماتتىق قوعامنىڭ بەيبىت ەلەمەنتتەرى اراسىنداعى سىندارلى ديالوگتىڭ ماڭىزدىلىعى اتاپ ءوتىلدى. ازاماتتاردىڭ بەيبىت جيىندار ەركىندىگىن بەيبىت تۇردە ءبىلدىرۋ جانە جۇزەگە اسىرۋ, باق ەركىندىگىن قۇرمەتتەۋ جانە قولداۋدى قامتاماسىز ەتۋ قۇقىعىنىڭ ءمانى ەرەكشە نازارعا الىندى.
ء«بىز پرەزيدەنت قاسىم-جومارت توقاەۆتىڭ 11 قاڭتارداعى حالىققا جاساعان ۇندەۋىندە اتاپ وتكەندەي, ماڭىزدى ەكونوميكالىق, ساياسي, ءبىلىم بەرۋ جانە ەكولوگيالىق ماسەلەلەر بويىنشا قازاقستانمەن سەرىكتەستىگىمىزدى جالعاستىرۋدى اسىعا كۇتەمىز», دەپ اتاپ ءوتتى اقش ەلشىسى.
