«مەملەكەت باسشىسى قاسىم-جومارت توقاەۆ ماڭعىستاۋ وبلىسىنا كەلگەن جۇمىس ساپارى كەزىندە ءوڭىردىڭ دامۋىنا, تۇرعىنداردىڭ ءال-اۋقاتى مەن ءومىر ءسۇرۋ ساپاسىن ارتتىرۋعا باعىتتالعان كەشەندى جوسپار جاساۋدى تاپسىرىپ, ۇكىمەتتىڭ قولداۋىمەن نەگىزگى ماسەلەلەردى شەشۋگە باعىتتالعان كەشەندى جوسپار ازىرلەندى. بۇگىنگى تاڭدا كەشەندى جوسپاردى وزەكتەندىرۋ جۇمىستارى جۇرگىزىلدى. وسى ورايدا كەشەندى جوسپاردى جاساقتاپ, قابىلداۋعا قولداۋ كورسەتكەن ءۇشىن مەملەكەت باسشىسىنا وبلىس حالقى اتىنان العىس ايتامىن», دەدى ءوڭىر باسشىسى.
نۇرلان نوعاەۆتىڭ سوزىنشە, وزەكتەندىرىلگەن كەشەندى جوسپار 226 ءىس-شارامەن تولىقتىرىلعان.
«ونىڭ ىشىندە ەكونوميكانى دامىتۋ اياسىندا – 96, تۇرعىن ءۇي جانە ينفراقۇرىلىم بويىنشا – 54, الەۋمەتتىك سالا جانە ەكولوگيادا 63 جانە ازاماتتىق قورعانىستى قامتاماسىز ەتۋدە 13 ءىس-شارا قاراستىرىلعان. جوسپارلانعان ءىس-شارالاردى ىسكە اسىرۋ ناتيجەسىندە شامامەن 55 مىڭ جۇمىس ورنى قۇرىلادى دەپ كۇتىلەدى», دەدى نۇرلان نوعاەۆ.
