ءبىلىم • 21 قاڭتار، 2022

مەكتەپتەگى كانيكۋلداردىڭ مەرزىمى بەلگىلەندى

117 رەت كورسەتىلدى

قر ءبىلىم جانە عىلىم مينيسترلىگى 2021–2022 جىلدارى ورتا ءبىلىم مەكەمەلەرىندە وقۋ جىلىنىڭ باستالۋى مەن ۇزاقتىعى، كانيكۋل كەزەڭدەرىنە قاتىستى 2021 جىلعى 27 شىلدەدەگى بۇيرىققا وزگەرىس ەنگىزدى، دەپ حابارلايدى Egemen.kz.

2022 جىلعى 13 قاڭتارداعى بۇيرىققا سايكەس، مەنشىك نىسانىنا جانە قانداي ۆەدومستۆوعا باعىناتىنىنا قاراماستان، مەكتەپتەردەگى 2021–2022 وقۋ جىلىنىڭ كەزەڭى مىناداي مەرزىمگە بەلگىلەندى:

وقۋ جىلىنىڭ ۇزاقتىعى: 1-سىنىپتاردا – 33 وقۋ اپتاسى، 2-11-ءىنشى (12) سىنىپتاردا – 34 وقۋ اپتاسى;

وقۋ جىلى ىشىندەگى كانيكۋل كەزەڭدەرى: 1-11 (12) سىنىپتاردا: كۇزگى دەمالىس – 7 كۇن (2021 جىلعى 1-7 قاراشانى قوسا العاندا)، قىسقى دەمالىس – 18 كۇن (2021 جىلعى 30 جەلتوقساننان باستاپ 2022 جىلعى 16 قاڭتاردى قوسا العاندا)، كوكتەمگى دەمالىس –12 كۇن (2022 جىلعى 19-30 ناۋرىزدى قوسا العاندا).

سونداي-اق 1-سىنىپتارعا ارنالعان 7 كۇن قوسىمشا كانيكۋل 2022 جىلعى 7-13 اقپان ارالىعىنا بەلگىلەندى.

سوڭعى جاڭالىقتار

ۇقساس جاڭالىقتار