كاسىپقوي بوكس • 21 قاڭتار، 2022

«كانەلونىڭ» گولوۆكيندى جەڭۋىنە تورەشىلەر كومەكتەستى – يگناسيو بەريستاين

966 رەت كورسەتىلدى

مەكسيكالىق باپكەر يگناسيو بەريستاين ەكىنشى ورتا سالماقتاعى الەمنىڭ ءابسوليۋتتى چەمپيونى، وتانداسى ساۋل «كانەلو» الۆارەسكە «اڭىز بوكسشى» اتاعىن قيمايدى، دەپ حابارلايدى Egemen.kz.

«ول جاتتىعۋ زالىندا بارىنشا تەر توگەدى. «كانەلو» وتە مىقتى بوكسشى. ەددي رەينوسو ونىڭ بوكسشى رەتىندە ءوسۋى ءۇشىن قولىنان كەلگەننىڭ ءبارىن جاسادى. الايدا مەن ونى بوكس تاريحىنداعى ۇزدىكتەردىڭ قاتارىنا قوسا المايمىن. ول ءالى ءوز ماقساتىنا جەتۋ جولىندا ءجۇر. ەڭ ماڭىزدىسى – مەكسيكالىق جانكۇيەرلەردىڭ كوڭىلىنەن شىعۋ. وسى كۇنگە دەيىن جەڭىپ العان چەمپيوندىق بەلدىكتەر مەن قوماقتى قاراجات «كانەلونى» ۇلى بوكسشى قىلا المايدى. الۆارەستىڭ ستاتيستيكاسىنا ءالى دە ۇلى جەكپە-جەكتەر جەتىسپەيدى.

ءيا، ول بارلىق شايقاسىندا جەڭىپ ءجۇر. ءستيلى ءۇشىن مەن «كانەلونى» قۇرمەتتەيمىن. الۆارەس گولوۆكينمەن جۇدىرىقتاسقان كەزدە وعان تورەشىلەر ازداپ بولسىن كومەكتەسكەنىن بىلەمىز. ال مەن «كانەلونىڭ» ەشكىمنىڭ كومەگىنسىز تازا جەڭىسكە قول جەتكىزگەنىن قالايمىن. اتى اڭىزعا اينالعان بوكسشى دەپ مەن ۇلكەن چاۆەستى، مەنني پاكياونى ايتار ەدىم»، دەدى ايگىلى باپكەر vRINGe.com سايتىنا بەرگەن سۇحباتىندا.

سوڭعى جاڭالىقتار

ۇقساس جاڭالىقتار