شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, جول-كولىك وقيعاسى 19 قاڭتاردا «ومبى-مايقاپشاعاي» تاسجولىندا جارما اۋدانىنىڭ اۋماعىندا بولعان. ساعات 13:00 شاماسىندا تاسجولدا كەلە جاتقان Kia Rio مەن Mitsubishi ماركالى اۆتوكولىكتەر بەتپە-بەت سوقتىعىستى.
جول اپاتى سالدارىنان Kia Rio كولىگىنىڭ جۇرگىزۋشىسى مەن ەكى جولاۋشىسى جانە Mitsubishi كولىگىنىڭ ءبىر جولاۋشىسى سول جەردە جان تاپسىردى. سونداي-اق Mitsubishi-ءدىڭ جۇرگىزۋشىسى مەن ەكى جولاۋشىسى كوپتەگەن دەنە جاراقاتتارىمەن اۋرۋحاناعا جەتكىزىلگەن.
قازىرگى ۋاقىتتا اتالعان فاكتى بويىنشا قر قىلمىستىق كودەكسىنىڭ 345-بابى 4-بولىگىنە (ابايسىزدا ەكى نەمەسە ودان دا كوپ ادام ولىمىنە اكەپ سوققان جول قوزعالىسى ەرەجەلەرىنىڭ بۇزىلۋى) سايكەس سوتقا دەيىنگى تەرگەۋ امالدارى باستالدى.
