ايماقتار • 20 قاڭتار، 2022

جانارماي بەكەتىنە شابۋىل جاساعاندار قۇرىقتالدى

33 رەت كورسەتىلدى

اقتوبە قالاسىندا جانارماي بەكەتىنە قاراقشىلىق شابۋىل جاساعان ادامدار قۇرىقتالدى، دەپ حابارلايدى Egemen.kz.

قالانىڭ ساڭكىباي باتىر داڭعىلىنداعى جانار ماي قۇيۋ بەكەتىن توناماق نيەتپەن ەكى ادام كىرىپ بارعان. ولار وپەراتوردى سوققىعا جىعىپ، كاسسيردى سۋىق قارۋمەن ۇرەيلەندىرىپ، كاسسادان 100 مىڭ تەڭگەدەن استام اقشا مەن ۇيالى تەلەفوندى الىپ، ءىزىن سۋىتقان.

«ولار بىرنەشە قوراپ تەمەكى الىپ، بەلگىسىز باعىتقا تايىپ تۇرعان. اقتوبە وبلىستىق پد كريمينالدىق پوليتسيا باسقارماسىنىڭ قىزمەتكەرلەرى جەدەل-ىزدەستىرۋ ءىس-شارالارى بارىسىندا ەكى كۇدىكتىنى ۇستادى. ولاردان ۇرلانعان زاتتار تاركىلەندى. وسى دەرەك بويىنشا قر قك-ءنىڭ «قاراقشىلىق» بابىمەن سوتقا دەيىنگى تەرگەۋ امالدارى جۇرگىزىلىپ جاتىر»، دەيدى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.

سوڭعى جاڭالىقتار

ۇقساس جاڭالىقتار