«ۇجىمدىق قاۋىپسىزدىك تۋرالى شارت ۇيىمىنىڭ بىرىككەن شتابى داعدارىستىڭ العاشقى مينۋتتارىنان باستاپ بۇل ۇيىمعا مۇشە مەملەكەتتەر قورعانىس ۆەدومستۆولارىنىڭ قىزمەتىن ۇيلەستىرۋ ماقساتىندا كۇشەيتىلگەن رەجيمدە جۇمىس ىستەدى. بىرىككەن شتابتىڭ باستى مىندەتى قازاقستان رەسپۋبليكاسىنىڭ اۋماعىندا ۇيىمنىڭ ۇجىمدىق بىتىمگەرشىلىك كۇشتەرىن قۇرۋ, قايتا توپتاستىرۋ جانە ورىستەتۋ, سونداي-اق بىتىمگەرشىلىك وپەراتسيالاردى دايىنداپ, ولاردى وتكىزۋ جونىندەگى قارۋلى كۇشتەر باس شتابتارىنىڭ ءوزارا ءىس-قيمىلىن ۇيىمداستىرۋ بولدى», دەگەن ۇقشۇ وكىلى بىرىككەن شتاب ەلدە بولعان تارتىپسىزدىكتەرگە تالداۋ جۇرگىزەتىنىن ايتتى.
«قازىرگى ۋاقىتتا بولعان وقيعالارعا تالداۋ جۇرگىزىپ جاتىرمىز. ۇقشۇ-نىڭ داعدارىستىق جاعدايلارعا دەن قويۋ تەتىكتەرىن جەتىلدىرۋ, داعدارىسقا دەن قويۋ ورتالىعىنىڭ قىزمەتى, ۇيىم اسكەرلەرىن ماتەريالدىق-تەحنيكالىق جانە مەديتسينالىق قامتاماسىز ەتۋ جۇيەسىنىڭ, سونداي-اق ۇيىمنىڭ قىزمەتىن اقپاراتتىق قامتاماسىز ەتۋدىڭ جولدارى جوسپارلاندى. بولاشاقتا ۇقشۇ-عا مۇشە مەملەكەتتەردىڭ قورعانىس ۆەدومستۆولارىمەن ءبىزدىڭ بىرلەسكەن قىزمەتىمىز بويىنشا تۇجىرىمدار مەن ۇسىنىمدار جاسالادى», دەدى تۇرالى قويشىقۇلوۆ.
