سالانى دامىتۋ ءۇشىن ساليقالى ءىس-قيمىل قاجەت

مەملەكەت باسشىسى نۇرسۇلتان نازارباەۆ س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ رەكتورى اقىلبەك كۇرىشباەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋ بارىسىندا وتاندىق اگرارلىق عىلىمنىڭ جاي-كۇيى, سونداي-اق, ونى ودان ءارى دامىتۋدىڭ وزەكتى ماسەلەلەرى تالقىلاندى. ا.كۇرىشباەۆ ۋنيۆەرسيتەتتىڭ سوڭعى جىلدارى قول جەتكىزگەن جەتىستىكتەرى جانە جوعارى وقۋ ورنى ارقاۋىندا حالىقارالىق اگرارلىق زەرتتەۋ ۋنيۆەرسيتەتىن قۇرۋ جونىندەگى مەملەكەت باسشىسى تاپسىرماسىنىڭ ىسكە اسىرىلۋى تۋرالى باياندادى. نۇرسۇلتان نازارباەۆ قازاق­ستاندا جەتكىلىكتى كولەمدە جەر ءجا­نە ادام رەسۋرستارى بار ەكە­نىنە قاراماستان, ەلىمىزدە اۋىل شارۋاشىلىعى سالاسى ءتيىستى قار­قىندا دامىماي وتىرعانىن ايتتى. – ءبىز اۋا رايى قولايلى, جاۋ­ىن-شاشىن قاجەتتى مولشەردە بولعاندا عانا مول استىق جينايمىز. ارينە, اۋىل شارۋاشىلىعىندا ونىمدىلىك بۇرىنعى جىلدارمەن سالىستىرعاندا, ايتارلىقتاي ارتتى, بىراق ءالى دە بۇل باعىتتا بەلسەنە جۇمىس جۇرگىزۋ مىندەتى تۇر. مەملەكەت وسى مىندەتتىڭ ورىندالۋىنا ەداۋىر رەسۋرستار بولۋدە, – دەدى قازاقستان پرەزيدەنتى. مەملەكەت باسشىسى اگرو­ونەر­كاسىپ كەشەنىندە سىننان ءوت­كەن الەمدىك تەحنولوگيالاردى پاي­دالانعان ءجون ەكەنىن, ولاردى قازاقستان جاعدايىن ەسكەرە وتىرىپ ەنگىزۋ قاجەتتىگىن ايتتى. – اگروونەركاسىپ كەشەنىن دا­مىتۋ سالاسىندا جۇمىستى كوپتەگەن عىلىمي-زەرتتەۋ ينستيتۋتتارىمەن بىرگە, «قازاگرويننوۆاتسيا» ءجۇر­گىزۋدە جانە مەملەكەت ونىڭ جۇ­مىس ىستەۋى ءۇشىن جىل سايىن ايتارلىقتاي قاراجات ءبولىپ كەلەدى. الايدا, وسىناۋ زەرتتەۋ قۇرى­لىمدارى مەن فەرمەرلەر اراسىندا ءتيىستى دەڭگەيدەگى ءوزارا ءىس-قيمىل جوق, – دەدى نۇرسۇلتان نازارباەۆ. كەزدەسۋ بارىسىندا ا.كۇ­رىش­باەۆ اگرارلىق زەرتتەۋ ۋني­ۆەرسيتەتىن قۇرۋ تۇجىرىمداماسىن ازىرلەۋ جونىندەگى جۇمىس, باسقارۋ جۇيەسى مەن ءبىلىم بەرۋ ۇدەرىسىن رە­فور­مالاۋدىڭ باستالعانى تۋرا­لى حابارلادى. بۇعان قوسا, شەتەلدەردىڭ جەتەكشى ۋنيۆەر­سي­تەت­تەرىمەن جانە عىلىمي ورتا­لىق­تارىمەن ىنتىماقتاستىق ورناپ, قاناتقاقتى حالىقارالىق زەرتتەۋ باعدارلامالارى دايىندالدى. كەزدەسۋ قورىتىندىسىندا مەم­لەكەت باسشىسى قارالعان ءما­سەلەلەر بويىنشا بىرقاتار ناقتى تاپسىرمالار بەردى. سۋرەتتى تۇسىرگەندەر س.بوندارەنكو, ب.وتارباەۆ.