قازاقتىڭ دالاسى ۇلان-عايىر, جەراستى بايلىعى دا مول. بۇل – بۇگىنگى تاۋەلسىز ەل ۇرپاعىنا باتىر بابالاردان قالعان ەڭ ۇلكەن مۇرا. سول باي مۇرانى كوزدىڭ قاراشىعىنداي ساقتاپ, ۇرپاقتان-ۇرپاققا جالعاستىرۋ ءۇشىن تاۋەلسىز قازاقستاننىڭ تۇڭعىش پرەزيدەنتى نۇرسۇلتان نازارباەۆ «ءماڭگىلىك ەل» يدەياسىن ۇسىندى. ەلىمىزدىڭ ءار وڭىرىندە كەڭ قولداۋ تاپقان ءدال وسى يدەيا مۇنايلى اتىراۋ جۇرتشىلىعىن دا ءبىر مۇددەگە توعىستىرىپ وتىر.
كەشە ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە قازاقستان حالقى اسسامبلەياسىنىڭ باستاماسىمەن «ماڭگىلىك ەل» پاتريوتتىق اكتسياسى ءوتتى. وڭىردەگى وزگە ۇلت وكىلدەرى مەن ەل ەرتەڭىنە بالانار جاستاردى ىنتىماققا ۇيىستىرعان اكتسيانى وبلىس اكىمى ب.ىزمۇحامبەتوۆ اشىپ, ەلباسى ن.نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىنداعى «ماڭگىلىك ەل» يدەياسىنىڭ ماڭىزىن تارقاتىپ بەردى.
– وسىناۋ ۇلى دالانى مەكەن ەتكەن ادامزات بالاسىنىڭ تۇڭعىش پايعامبارى احۋرا – مازدادان نۇر العان زاراتۋشترا مىناداي ءۇش قاعيدا قويىپتى: ءبىرىنشى – ىزگى وي ويلا, ەكىنشى – ىزگى ءسوز سويلە, ءۇشىنشى – ىزگى ءىس تىندىر. سول زاراتۋشترادان بەرگى كۇللى پايعامبارلار جوعارىداعى ءۇش بايلامعا توقتاعان ەكەن. ءوزىنىڭ ەلىن ەل ەتكىسى كەلگەن, ءوزىنىڭ اسپانىن بيىكتەتكىسى كەلگەن ءبىزدىڭ ەلباسىنىڭ دا ارمانى وسى ءۇش قاعيدامەن استاسىپ جاتىر. بىزدە ماڭگىلىك ەل بولۋدىڭ بارلىق العىشارتتارى دايىن. ءبىز ىزگى وي ويلاپ, ىزگى ءسوز سويلەۋ ارقىلى قانشاما ىزگىلىكتى ءىس تىندىرىپ كەلەمىز. سونىڭ جارقىن مىسالدارىنىڭ ءبىرى – قازاق ەلىنىڭ, ماڭگىلىك ەلدىڭ ماڭگى استاناسى! –دەگەن ويىمەن بولىسكەن جاس دارىن, قازاقستان جازۋشىلار وداعى توراعاسىنىڭ ورىنباسارى مارالتاي رايىمبەك ۇلى ءوزىنىڭ ەلورداعا ارناعان ولەڭىن وقىپ, اكتسياعا قاتىسقان جاستاردى قاناتتاندىردى.
بەلگىلى قالامگەر, قازاقستاننىڭ ەڭبەك سىڭىرگەن قايراتكەرى راحىمجان وتارباەۆ «ماڭگىلىك ەل» يدەياسى – ءبىزدى العا باستار شامشىراعىمىز. بۇل – ءبىزدىڭ مەملەكەتتىڭ ۇلتتىق يدەياسى. باتىر بابالارىمىزدان قالعان سايىن دالانى قورعاۋ, ءار قازاقتىڭ بويتۇمارىنداي تاۋەلسىزدىگىمىزدى ساقتاۋ وڭاي ەمەس. قازاقتىڭ وسىناۋ ۇلان-عايىر دالاسىن اق نايزانىڭ ۇشىمەن, اق بىلەكتىڭ كۇشىمەن قورعاعان قابانباي مەن بوگەنباي, قاراساي سەكىلدى باتىر بابالارىمىز ماڭگىلىك ەل بولۋدى كوكسەدى.
«مەن – قازاقپىن, بيىكپىن, بايتاق ەلمىن, قايتا تۋدىم, ومىرگە قايتا كەلدىم. مىڭ دا ءبىر ءتىرىلدىم ماڭگى ولمەسكە – ايتا بەرگىم كەلەدى, ايتا بەرگىم», دەپ جىرلاعان اقىن جۇبان مولداعاليەۆتىڭ جۇرەك تۇكپىرىندە دە ماڭگىلىك ەل بولۋدىڭ يدەياسى جاتىر. مىنە, ەلدىڭ دەربەستىگى مەن ماڭگىلىگىن ويلاعان بابالاردان بۇگىنگى ۇرپاققا جەتكەن اماناتتى – قازاق ەلىن تۇڭعىش پرەزيدەنتىمىز نۇرسۇلتان نازارباەۆ الەمگە تانىتتى. قۋاتتى ەلگە اينالدىردى. قازاق ەلىنىڭ الداعى ماقسات-مۇراتى بيىك, ال مۇراتى بيىك, ۇلتتىق, مادەني قۇندىلىقتارى ساقتالعان ەل عانا ماڭگىلىك ەل بولا الادى», دەدى.
ءوز وتانىن سۇيەتىن, ءوز وتانىنا ادال قىزمەت ەتۋدى ماقسات ەتكەن اتىراۋلىق پاتريوت جاستاردى ءبىر ماقساتقا, ءبىر مۇددەگە, ءبىر بولاشاققا بىرىكتىرگەن اكتسيا بارىسىندا ايگۇل قوسانوۆا, ەربولات قۇدايبەرگەنوۆ جانە وزگە دە ەلىمىزگە تانىمال جاس انشىلەر پاتريوتتىق اندەردى شىرقادى. اكتسيادا وزگە ۇلتتىڭ وكىلدەرى دە جاستاردى وتانسۇيگىشتىككە شاقىردى. سونىڭ ءبىرى – ارتەم تەربۋشوۆ: «ءبىزدى, قازاقستاننىڭ كوپۇلتتى حالقىن نۇرسۇلتان نازارباەۆتىڭ تاۋەلسىز ەلىمىزدى قۋاتتى مەملەكەتكە اينالدىرۋداعى ەرەن ەڭبەگى ىشكى تۇراقتىلىق پەن ەكونوميكالىق ءبىر ماقساتقا, ءبىر مۇددەگە, ءبىر بولاشاققا بىرىكتىرەدى. وسىنىڭ ءبارى ماڭگىلىك ەل بولۋدىڭ نەگىزگى العىشارتتارى», دەگەن پىكىرىمەن ءبولىستى.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
سۋرەتتەردى تۇسىرگەن ءانۋار ابىلعازيەۆ.
– وسىناۋ ۇلى دالانى مەكەن ەتكەن ادامزات بالاسىنىڭ تۇڭعىش پايعامبارى احۋرا – مازدادان نۇر العان زاراتۋشترا مىناداي ءۇش قاعيدا قويىپتى: ءبىرىنشى – ىزگى وي ويلا, ەكىنشى – ىزگى ءسوز سويلە, ءۇشىنشى – ىزگى ءىس تىندىر. سول زاراتۋشترادان بەرگى كۇللى پايعامبارلار جوعارىداعى ءۇش بايلامعا توقتاعان ەكەن. ءوزىنىڭ ەلىن ەل ەتكىسى كەلگەن, ءوزىنىڭ اسپانىن بيىكتەتكىسى كەلگەن ءبىزدىڭ ەلباسىنىڭ دا ارمانى وسى ءۇش قاعيدامەن استاسىپ جاتىر. بىزدە ماڭگىلىك ەل بولۋدىڭ بارلىق العىشارتتارى دايىن. ءبىز ىزگى وي ويلاپ, ىزگى ءسوز سويلەۋ ارقىلى قانشاما ىزگىلىكتى ءىس تىندىرىپ كەلەمىز. سونىڭ جارقىن مىسالدارىنىڭ ءبىرى – قازاق ەلىنىڭ, ماڭگىلىك ەلدىڭ ماڭگى استاناسى! –دەگەن ويىمەن بولىسكەن جاس دارىن, قازاقستان جازۋشىلار وداعى توراعاسىنىڭ ورىنباسارى مارالتاي رايىمبەك ۇلى ءوزىنىڭ ەلورداعا ارناعان ولەڭىن وقىپ, اكتسياعا قاتىسقان جاستاردى قاناتتاندىردى.
بەلگىلى قالامگەر, قازاقستاننىڭ ەڭبەك سىڭىرگەن قايراتكەرى راحىمجان وتارباەۆ «ماڭگىلىك ەل» يدەياسى – ءبىزدى العا باستار شامشىراعىمىز. بۇل – ءبىزدىڭ مەملەكەتتىڭ ۇلتتىق يدەياسى. باتىر بابالارىمىزدان قالعان سايىن دالانى قورعاۋ, ءار قازاقتىڭ بويتۇمارىنداي تاۋەلسىزدىگىمىزدى ساقتاۋ وڭاي ەمەس. قازاقتىڭ وسىناۋ ۇلان-عايىر دالاسىن اق نايزانىڭ ۇشىمەن, اق بىلەكتىڭ كۇشىمەن قورعاعان قابانباي مەن بوگەنباي, قاراساي سەكىلدى باتىر بابالارىمىز ماڭگىلىك ەل بولۋدى كوكسەدى.
«مەن – قازاقپىن, بيىكپىن, بايتاق ەلمىن, قايتا تۋدىم, ومىرگە قايتا كەلدىم. مىڭ دا ءبىر ءتىرىلدىم ماڭگى ولمەسكە – ايتا بەرگىم كەلەدى, ايتا بەرگىم», دەپ جىرلاعان اقىن جۇبان مولداعاليەۆتىڭ جۇرەك تۇكپىرىندە دە ماڭگىلىك ەل بولۋدىڭ يدەياسى جاتىر. مىنە, ەلدىڭ دەربەستىگى مەن ماڭگىلىگىن ويلاعان بابالاردان بۇگىنگى ۇرپاققا جەتكەن اماناتتى – قازاق ەلىن تۇڭعىش پرەزيدەنتىمىز نۇرسۇلتان نازارباەۆ الەمگە تانىتتى. قۋاتتى ەلگە اينالدىردى. قازاق ەلىنىڭ الداعى ماقسات-مۇراتى بيىك, ال مۇراتى بيىك, ۇلتتىق, مادەني قۇندىلىقتارى ساقتالعان ەل عانا ماڭگىلىك ەل بولا الادى», دەدى.
ءوز وتانىن سۇيەتىن, ءوز وتانىنا ادال قىزمەت ەتۋدى ماقسات ەتكەن اتىراۋلىق پاتريوت جاستاردى ءبىر ماقساتقا, ءبىر مۇددەگە, ءبىر بولاشاققا بىرىكتىرگەن اكتسيا بارىسىندا ايگۇل قوسانوۆا, ەربولات قۇدايبەرگەنوۆ جانە وزگە دە ەلىمىزگە تانىمال جاس انشىلەر پاتريوتتىق اندەردى شىرقادى. اكتسيادا وزگە ۇلتتىڭ وكىلدەرى دە جاستاردى وتانسۇيگىشتىككە شاقىردى. سونىڭ ءبىرى – ارتەم تەربۋشوۆ: «ءبىزدى, قازاقستاننىڭ كوپۇلتتى حالقىن نۇرسۇلتان نازارباەۆتىڭ تاۋەلسىز ەلىمىزدى قۋاتتى مەملەكەتكە اينالدىرۋداعى ەرەن ەڭبەگى ىشكى تۇراقتىلىق پەن ەكونوميكالىق ءبىر ماقساتقا, ءبىر مۇددەگە, ءبىر بولاشاققا بىرىكتىرەدى. وسىنىڭ ءبارى ماڭگىلىك ەل بولۋدىڭ نەگىزگى العىشارتتارى», دەگەن پىكىرىمەن ءبولىستى.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
سۋرەتتەردى تۇسىرگەن ءانۋار ابىلعازيەۆ.
