ايماقتار • 18 قاڭتار، 2022

مۇرات ايتەنوۆ: قالا كەلبەتى ءاربىر ەلدى مەكەندە كورىنىس تابادى

106 رەت كورسەتىلدى

شىمكەنت قالاسىنىڭ اكىمى مۇرات ايتەنوۆ قاراتاۋ اۋدانى اۋماعىنداعى ەلدى مەكەندەردى ينفراقۇرىلىم جۇيەلەرىمەن قامتۋ جۇمىستارىنىڭ بارىسىن تەكسەردى، دەپ حابارلايدى Egemen.kz شىمكەنت قالاسى اكىمدىگىنىڭ ءباسپاسوز قىزمەتىنە سىلتەمە جاساپ.

 

شاھار باسشىسى تۇران جانە اسار-2  شاعىناۋداندارىندا اتقارىلعان جۇمىستاردى قاداعالاپ، تۇرعىندارمەن كەزدەستى.

ەلدى مەكەندەردى ينجەنەرلىك جەلىلەرمەن قامتۋدىڭ جول كارتاسى بەكىتىلگەن. قالا شاعىناۋداندارى مەن تۇرعىن الاپتارىندا ايقىندالعان وزەكتى ماسەلەلەر وسى مەجەگە سايكەس كەزەڭ-كەزەڭىمەن شەشىلەتىن بولادى.

تۇران شاعىناۋدانىندا اۋىز سۋ، ەلەكتر قۋاتى، تابيعي گازبەن قامتۋ جۇمىستارى جوسپارعا سايكەس اتقارىلۋدا. 6،88 شاقىرىم ماگيسترال قۇرىلىسى جانە ءبىرىنشى كەزەڭ بويىنشا ىشكى ورامدىق جۇيەلەردىڭ قۇرىلىسى تولىق اياقتالعان.

اسار-2 ەلدى مەكەنىندە اۋىز سۋ جۇيەلەرىنىڭ قۇرىلىسى اياقتالىپ، پايدالانۋعا بەرىلدى. 50،04 شاقىرىم گاز جۇيەلەرىنىڭ قۇرىلىسى جۇرگىزىلدى.

قالا اكىمى تۇرعىندارمەن كەزدەسۋدە اتالعان جۇمىستاردىڭ بارلىعى ازاماتتاردىڭ يگىلىگى ءۇشىن اتقارىلىپ جاتقانىن اتاپ ءوتتى. ەلدى مەكەندەردە تۇرعىندار ءۇشىن لايىقتى ءومىر ساپاسىن قامتاماسىز ەتۋ باعىتىندا اۋقىمدى جۇمىستار جوسپارلى تۇردە جۇزەگە اسىپ، ەلدى مەكەندەگى وزەكتى ماسەلەلەر رەتىمەن شەشىلەتىندىگىن ايتتى.

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار