ايماقتار • 18 قاڭتار، 2022

الماتىدا كوروناۆيرۋس جۇقتىرعان 144 بالا ەمدەلىپ جاتىر

33 رەت كورسەتىلدى

الماتىدا كوروناۆيرۋس جۇقتىرعان 1 090 ناۋقاس ەم قابىلداپ جاتىر. بۇل تۋرالى قالالىق قوعامدىق دەنساۋلىق باسقارماسىنان ءمالىم ەتتى، دەپ حابارلايدى Egemen.kz.

17 قاڭتار كۇنگى اقپارات بويىنشا، ءبىر تاۋلىكتە قالادا 1 198 ادام كوروناۆيرۋس جۇقتىرعان.

بارلىق ەمدەلىپ شىققاندار – 193، كەلىپ تۇسكەنى – 199.

«ينفەكتسيالىق ستاتسيونارلاردا 1 096 ادام بار (توسەك-ورىن - 2380). ونىڭ ىشىندە 144 بالا ەمدەلىپ جاتىر»، دەپ ناقتىلادى قوعامدىق دەنساۋلىق ساقتاۋ باسقارماسىنىڭ ءباسپاسوز قىزمەتىنەن.

سونداي-اق رەانيماتسيا جانە قارقىندى تەراپيا بولىمىندە 61 ادام جاتىر.

ال 16 ناۋقاس جاساندى تىنىس الۋ اپپاراتىنا قوسىلعان.

ءينۆازيۆتى ەمەس جاساندى تىنىس الۋ اپپاراتىندا 15 ادام ەم قابىلداۋدى جالعاستىرۋدا. High flow-دا 7 اپپارات جۇمىس ىستەيدى.

مەديتسينالىق-سانيتاريالىق العاشقى كومەك ءموبيلدى بريگادالارىنىڭ جانە تەلەمەديتسينا ورتالىعىنىڭ امبۋلاتوريالىق باقىلاۋىندا 6 045 پاتسيەنت بار.

ونىڭ ىشىندە ىندەت بەلگىلەرى بار، ورتاشا اۋىر جاعدايدا – 5736 ناۋقاس.

309 ادامدا كوروناۆيرۋس بەلگىلەرى جوق.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار