تۇركيا رەسپۋبليكاسىنىڭ ۆيتسە-پرەزيدەنتى ف. وكتاي ءا. سمايىلوۆتى قازاقستان رەسپۋبليكاسىنىڭ پرەمەر-ءمينيسترى لاۋازىمىنا تاعايىندالۋىمەن قۇتتىقتادى.
ف. وكتاي قاڭتاردا بولعان قايعىلى وقيعا سالدارىنان قازا تاپقانداردىڭ وتباسىلارىنا كوڭىل ايتىپ, تۇركيانىڭ قازاقستانعا قاجەتتى قولداۋ كورسەتۋگە دايىن ەكەنىن اتاپ ءوتتى.
«تۇركيا رەسپۋبليكاسى – قازاقستاننىڭ سەنىمدى ءارى ستراتەگيالىق سەرىكتەسى. قازاقستان ۇكىمەتى ىنتىماقتاستىقتىڭ بارلىق باعىتى بويىنشا تۇركيامەن ىنتىماقتاستىقتى نىعايتۋدى جالعاستىرادى», دەدى ءا. سمايىلوۆ.
تۇركيا – قازاقستاننىڭ ماڭىزدى ساۋدا-ەكونوميكالىق ارىپتەسى. 2021 جىلدىڭ 11 ايىنىڭ قورىتىندىسى بويىنشا ءوزارا ساۋدا كولەمى $3,74 ملرد قۇرادى, بۇل 2020 جىلدىڭ سايكەس كەزەڭىندەگى كورسەتكىشتەن 32%-عا ارتىق جانە 2019 جىلعى پاندەمياعا دەيىنگى دەڭگەيدەن اناعۇرلىم اسىپ تۇسەدى. قر تاۋەلسىزدىك جىلدارىندا تۇركيا قازاقستان ەكونوميكاسىنا شامامەن $5 ملرد ينۆەستيتسيا سالدى, قر-نىڭ تۇركياعا سالعان ينۆەستيتسيا كولەمى $1,1 ملرد قۇرادى.
بيىل قازاقستان مەن تۇركيا اراسىنداعى ديپلوماتيالىق قارىم-قاتىناستىڭ ورناعانىنا 30 جىل تولادى.
