ەلوردا • 17 قاڭتار، 2022

ەلوردادا راقىمشىلىق بويىنشا بەس ادام جازادان بوساتىلدى

49 رەت كورسەتىلدى

ەلوردادا پروباتسيا ەسەبىندە تۇرعان 5 سوتتالعان راقىمشىلىقپەن بوساتىلدى، دەپ حابارلايدى Egemen.kz.

بۇل تۋرالى Polisia.kz سايتى مالىمدەدى.

نۇر-سۇلتان قالاسى بويىنشا قىلمىستىق-اتقارۋ جۇيەسى دەپارتامەنتىنىڭ پروباتسيا قىزمەتى ەسەپتە تۇرعان سوتتالعانداردى «قازاقستان رەسپۋبليكاسى تاۋەلسىزدىگىنىڭ 30 جىلدىعىنا بايلانىستى راقىمشىلىق جاساۋ تۋرالى» زاڭىن قولدانىپ، ءىس-قۇجاتتارى نۇر-سۇلتان قالاسى اۋداندىق سوتتارىنا جولداندى.

نۇر-سۇلتان قالاسى بويىنشا دەپارتامەنتتىڭ پروباتسيا قىزمەتى بويىنشا راقىمشىلىق جاساۋ زاڭىن قاراستىرىلۋىنا 715 سوتتالعان جاتادى. ونىڭ ىشىندە 209 سوتتالعان بوساتىلۋعا، جازاسىن قىسقارتۋعا – 506 سوتتالعان.

اۋداندىق سوتتىڭ قاۋلىسىمەن بەس سوتتالعان جازادان بوساتىلدى. قاۋلى زاڭدى كۇشىنە ەندى. ولار باس بوستاندىعىنان شەكتەۋ جازاسىمەن سوتتالعاندار.

ال قالعان سوتتالعانداردىڭ ءىس-قۇجاتتارى سوتتىڭ قاراۋىندا. سوتتالعاندار قاتارىنان نۇر-سۇلتان قالاسى بويىنشا قاج دەپارتامەنتىنىڭ پروباتسيا قىزمەتىنىڭ قىزمەتكەرلەرىنە وزدەرىنىڭ ريزاشىلىعىن ءبىلدىردى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار