الەم • 17 قاڭتار، 2022

كيپردە كوروناۆيرۋستىڭ جاڭا شتامى انىقتالدى

39 رەت كورسەتىلدى

كيپر عا­لىم­دارى كوروناۆيرۋستىڭ «دەلتا»، «وميكرون» شتام­­دارى­نىڭ گيبريدتى ءتۇرىن تاپقانىن حابارلادى. كيپر ۋنيۆەرسيتەتىندەگى بيوتەح­نولوگيا مەن مولەكۋليارلى ۆيرۋسولوگيا لابوراتورياسىندا جۇمىس ىستەيتىن ءبىر توپ عالىم ونى «دەلتاكرون» دەپ اتادى.

كيپر ۋنيۆەرسيتەتىنىڭ پروفەسسورى لەونتيوس كوستريكيس «دەلتاكروننىڭ» «دەلتامەن» گەنەتيكا­لىق نەگىزى ءبىر جانە سونىمەن بىرگە «وميكرونعا» ءتان مۋتاتسيالارى بار دەگەن پىكىر ايتادى. «وميكروننىڭ باسقا شتامداردان ەرەكشەلىگى – ونىڭ گەنومىندا 30 ءتۇرلى مۋتاتسيا بار. ولاردىڭ وندىعى اتالعان ۇلگىلەردە انىقتالدى»، دەپ ءتۇسىندىردى عالىم.

وڭتۇستىك افريكادان كەلگەن يممۋنولوگتەر «وميكروندى» COVID-19 پاندەمياسىنىڭ جەدەل كەزەڭىنىڭ اياقتالۋىمەن جانە بەلگىلى ءبىر اۋماققا ءتان بولاتىنىمەن بايلانىستىردى.

زەرتتەۋشىلەر «وميكرون» جانە بۇرىن انىقتالعان شتامداردى جۇقتىرعان 466 پاتسيەنتتىڭ دەرەكتەرىن زەرتتەپ، COVID-19 جاعدايلارىنىڭ تەك 4،5%-ى وسى تولقىن كەزىندە اۋرۋحانادا قايتىس بولعانىن انىقتادى. سونداي-اق ستاتسيوناردا بولۋدىڭ ورتاشا ۇزاقتىعى بۇرىنعى 8 كۇننەن 4 كۇنگە، ال جانساقتاۋ بولىمدەرىنە جاتقىزىلعاندار سانى – 4،3-تەن 1 %-عا دەيىن قىسقاردى.

دەگەنمەن دۇنيەجۇزىلىك دەنساۋلىق ساقتاۋ ۇيىمى تەحنيكالىق توبىنىڭ جەتەكشىسى ماريا ۆان كەركحوۆە بۇل جاڭالىقتى تەرىسكە شىعاردى. ول الەۋمەتتىك جەلىدەگى پاراقشاسىنا «دەلتاكرون» دەگەن شتامنىڭ پايدا بولۋى ەكىتالاي دەگەن پىكىرىن جازدى. ونىڭ ويىنشا، ۆيرۋستان COVID-19 شتامدارىنىڭ كومبيناتسياسى انىقتالماعان، ال عالىمداردىڭ «جاڭالىعى» الدىڭعى ءتۇردىڭ لاستانۋىنان پايدا بولعان. ۇيىم عالىمدارى «گەنەتيكالىق قاتەلىك لابوراتوريالىق قاتەلىككە الىپ كەلدى» دەگەن ويدا.

سوڭعى جاڭالىقتار

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

يكبال الەمى

تانىم • كەشە

ۇقساس جاڭالىقتار