وقيعا • 16 قاڭتار، 2022

پاۆلودارداعى ەكى قاباتتى ءدامحانادان ءورت شىقتى

36 رەت كورسەتىلدى

پاۆلوداردا ەكى قاباتتى ءدامحانا عيماراتىندا ءورت شىقتى. ءورت سالدارىنان نىساننىڭ شاتىرى قيرادى. ءورتتىڭ شىعۋىنا ەلەكتر سىمدارىنىڭ قىسقا تۇيىقتالۋى سەبەپ بولعان، دەپ حابارلايدى Egemen.kz وبلىستىق تجد ءباسپاسوز قىزمەتىنە سىلتەمە جاساپ.

وبلىستىق تجد ءباسپاسوز قىزمەتى مالىمەتىنشە، ءورت تۋرالى حابارلاما 16 قاڭتاردا ساعات 9.03-تە كەلىپ تۇسكەن.

«پاۆلوداردا سەۆەرنايا وندىرىستىك ايماعى 600 مەكەنجايىنداعى ەكى قاباتتى كافە عيماراتىندا اعاش كونسترۋكتسيالار تولىق جانىپ كەتتى. ورتەنگەن اۋماق 300 شارشى مەتر»،  دەدى ۆەدومستۆو وكىلدەرى.

ورتەنگەن كافە قوناق ءۇي كەشەنىندە ورنالاسقان. رەسمي مالىمەت بويىنشا، ورتسوندىرۋشىلەر كەلگەن كەزدە بولمەدە قوناقتار بولماعان. ءورت ءسوندىرۋ جاساقتارى كەلگەنگە دەيىن جانىپ جاتقان عيماراتتان 5 ادام ەۆاكۋاتسيالاندى. 

ء«ورت ساعات 10.53-تە ءسوندىرىلدى. ءورتتىڭ شىعۋ سەبەبى ەلەكتر سىمدارىنىڭ قىسقا تۇيىقتالۋى. نىسان يەسىنە قاتىستى قر اقبتك-نىڭ 410-بابى 1-بولىگى بويىنشا اكىمشىلىك حاتتاما جاسالدى»،  دەدى ۆەدومستۆونىڭ ءباسپاسوز قىزمەتى وكىلدەرى.

ءورتتى ءسوندىرۋ ءۇشىن وقيعا ورنىندا شتاب قۇرىلىپ، ورتتەن كەلگەن زالالەسەپتەلىپ جاتىر. ءتىلسىز جاۋدى سوندىرۋگە وبلىستىق تجد مەن اپاتتار مەديتسيناسى ورتالىعىنىڭ 35 قىزمەتكەرى مەن 10 تەحنيكاسى جۇمىلدىرىلعان.

 

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار