پرەزيدەنت • 15 قاڭتار، 2022

قاسىم-جومارت توقاەۆ كۇشتىك قۇرىلىمداردىڭ باسشىلارىمەن كەڭەس وتكىزدى

118 رەت كورسەتىلدى

مەملەكەت باسشىسى قاسىم-جومارت توقاەۆتىڭ توراعالىعىمەن وكىلەتتى ورگاندار باسشىلارىنىڭ كەڭەسى ءوتتى، دەپ جازادى Egemen.kz اقورداعا سىلتەمە جاساپ.

جيىنعا باس پروكۋراتۋرانىڭ، ۇلتتىق قاۋىپسىزدىك كوميتەتىنىڭ، قورعانىس جانە ىشكى ىستەر مينيسترلىكتەرىنىڭ ءبىرىنشى  باسشىلارى،  سونداي-اق پرەزيدەنت اكىمشىلىگىنىڭ باسشىلىعى مەن قاۋىپسىزدىك كەڭەسىنىڭ اپپاراتى قاتىستى.

مەملەكەت باسشىسىنا قاڭتار ايىنىڭ ءبىرىنشى ونكۇندىگىندە ەلىمىزدىڭ بىرقاتار وڭىرىندە بولعان وقيعالار بويىنشا سوتقا دەيىنگى الدىن الا تەرگەۋ امالدارىنىڭ بارىسى، سونداي-اق ارنايى جۇرگىزىلگەن وپەراتسيالاردىڭ ناتيجەلەرى، ەلىمىزدە قوعامدىق قاۋىپسىزدىك پەن قۇقىقتىق ءتارتىپتى قامتاماسىز ەتۋ شارالارى تۋرالى باياندالدى.

كەڭەس قورىتىندىسى بويىنشا قاسىم-جومارت توقاەۆ بىرقاتار ناقتى تاپسىرمالار بەردى.  قازاقستاندا، سونىڭ ىشىندە الماتىدا بولعان قايعىلى جاعدايلاردى جان-جاقتى زەرتتەۋ ماسەلەسىنە، قازا بولعان بەيبىت تۇرعىنداردىڭ ناقتى سانىن انىقتاۋعا، قيىن-قىستاۋ كەزدەردە كۇشتىك قۇرىلىمداردىڭ ءىس-قيمىلدارىن ۇيلەستىرۋدىڭ جاڭا نورماتيۆتىك بازاسىن ازىرلەۋگە باسا ءمان بەرىلدى.

قاسىم-جومارت توقاەۆ قاۋىپسىزدىك كەڭەسىنىڭ حاتشىسىنا ارناۋلى وپەراتسيالار كۇشتەرىن جاساقتاۋ جۇمىستارىن جەدەلدەتۋدى جانە ۇلتتىق قاۋىپسىزدىك جۇيەسىن قايتا قۇرۋ جونىندە ناقتى ۇسىنىس بەرۋدى تاپسىردى.

پرەزيدەنت لاڭكەستىككە قارسى وپەراتسيالار مەن تەرگەۋ شارالارىن جۇرگىزۋ بارىسىندا ازاماتتار قۇقىعىنىڭ بۇزىلۋىنا جول بەرمەۋدىڭ ماڭىزدى ەكەنىن ايتتى.

سوڭعى جاڭالىقتار

يكبال الەمى

تانىم • كەشە

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

ۇقساس جاڭالىقتار