بۇل قر يندۋستريا جانە ينفراقۇرىلىمدىق دامۋ مينيسترلىگى مالىمدەدى.
مينيسترلىك مالىمەتىنشە, بۇگىن ساعات 11:45-تەن باستاپ كەلەسىدەي اۆتوموبيل جولدارىندا كولىكتىڭ بارلىق تۇرلەرى ءۇشىن قوزعالىسقا شەكتەۋ ەنگىزىلدى:
1. «نۇر-سۇلتان-پەتروپاۆل» اۆتوجولىنىڭ 18-231 شاقىرىمىندا, اتاپ ايتقاندا, نۇر-سۇلتان مەن ششۋچينسك قالالارى ارالىعىنداعى ۋچاسكەدە («قازاۆتوجول» ۇك» اق اقىلى جولدار ديرەكتسياسىنىڭ ۋچاسكەسى)
2. «كوكشەتاۋ-اتباسار» اۆتوجولىنىڭ 0-184 شاقىرىمىندا, كوكشەتاۋ مەن اتباسار قالالارىنىڭ ارالىعىنداعى ۋچاسكەدە.
3. «ەكاتەرينبۋرگ-الماتى» اۆتوجولىنىڭ 997-1247 شاقىرىمىندا, ياعني اتباسار جانە نۇر-سۇلتان قالالارىنىڭ ارالىعىنداعى ۋچاسكەدە.
«اپاتتى جاعدايلاردى بولدىرماۋ ماقساتىندا كولىك يەلەرىنە الىس ساپارعا شىقپاۋعا كەڭەس بەرىلەدى. قيىن جاعدايعا تاپ بولساڭىزدار, 1403 ءنومىرى بويىنشا تاۋلىك بويى جۇمىس ىستەيتىن call-ورتالىققا حابارلاسا الاسىزدار», دەلىنگەن ۆەدومستۆو مالىمەتىندە.
