وقۋدان شىعارۋ ويىنشىق ەمەس

قىزىلوردا وبلىسى جاڭا­قورعان اۋداندىق پروكۋراتۋرا­سى «جاڭاقورعان اگرارلى-تەحني­كالىق كوللەدجى» مەملەكەتتىك مە­كەمەسى وقۋدان شىعارعان گاۋھار دۇيسەنباەۆانىڭ شاعىمىن قاراۋ بارىسىندا وقۋ ورنى باسشىلىعىنىڭ  كامەلەتكە تولماعان قىزدىڭ كونس­تيتۋتسيالىق قۇقىقتارىنا ەلەۋلى نۇقسان كەلتىرگەنىن انىقتادى. قازاقستان رەسپۋبليكاسىنىڭ «ءبىلىم تۋرالى» زاڭى 1-بابىنىڭ 49-تارماعى ازاماتتاردىڭ ورتا ءبىلىمدى كونستيتۋتسيا كەپىلدىگىنە ساي الاتىنى انىق كورسەتىلگەن.  سول سياقتى قازاقستان رەسپۋبليكاسىنىڭ «قازاقستان رەسپۋبليكاسىنداعى بالانىڭ قۇقىقتارى تۋرالى» زاڭى 15-بابىنىڭ 1-تارماعىندا ءاربiر بالانىڭ بiلiم الۋعا قۇقىعى بار ەكەنى ايتىلا كەلىپ, وعان تەگiن باس­تاۋىش, نەگىزگى ورتا, جالپى ورتا ءبىلىم جانە كونكۋرستىق نەگiزدە تەگiن تەحنيكالىق, كاسىپتىك جانە ورتا بىلىمنەن كەيىنگى جوعارى بiلiم الۋعا كەپiلدiك بەرiلەدi دەلىنگەن. مىنە, وسىنداي زاڭدىلىققا ءسۇ­يەنگەن كوللەدج ديرەكتورى م.احمەتوۆ 2013 جىلعى 29 تامىزدا بەرگەن بۇيرىعىنا سايكەس, 1997 جىلى تۋعان گاۋھار دۇيسەنباەۆانى «تىگىنشى» ماماندىعى بويىنشا كۇندىزگى وقۋ ءبولىمىنىڭ №56 وقۋ توبىنا قابىلداعان. الايدا, ول وقۋ جىلى تولىق باستالىپ ۇلگەرمەي جاتىپ, 2-6 قىركۇيەك كۇندەرى ساباققا سەبەپسىز قاتىسپادى دەگەن جەلەۋمەن 7 قىركۇيەك كۇنى شىعارىلىپ جىبەرىلگەن. ادام تاعدىرىن وي­ىنشىق كورگەن باسشى مۇنداي تۇجىرىممەن وقۋدان شىعارۋعا بولمايتىنىن ەسكەرمەگەن. ول ءتىپتى بۇل كەلمەۋدىڭ استارىندا نە جاتقانىن تەكسەرىپ, وعان تەرەڭ بويلاۋدى ءجون كورمەگەن. ديرەكتوردىڭ مۇنداي ورەسكەل قادامعا بارۋىنا №56 وقۋ توبىنىڭ شەبەرى ا.اليەۆانىڭ بەرگەن كورسەتۋى نەگىز بولعان. ال وقۋ شەبەرى گ.دۇيسەنباەۆانىڭ ساباققا كەلمەۋىنە بايلانىستى 2 قىركۇيەك كۇنى ونىڭ ۇيىنە بارىپ, اناسىمەن سويلەسكەنىن, ايەلدىڭ قىزى اۋىرىپ قالعاندىقتان, وقۋعا بارا الماعانىن ايتقانىن جازىپ بەرگەن. اڭگىمە بارىسىندا وقۋشىنىڭ اناسى قىزىن دارىگەرگە كورسەتەتىنىن جەتكىزىپتى. وسى مەزگىلدە ديرەكتوردىڭ ءتار­بيە ءىسى جونىندەگى ورىنباسارى ك.داندىباەۆ ءوز كورسەتۋىندە توپ شەبەرى ا.اليەۆانىڭ وقۋشى وتباسى جاعدايىنا بايلانىستى كوللەدجدە وقي المايتىنىن جازىپ بەرگەنىن, بىراق ونىڭ گ.ءدۇي­سەنباەۆانىڭ ساباققا كەلمەي جۇرگەن كۇندەرىنە قاتىستى زەرتتەۋ جۇرگىزبەگەنىن كەلتىرگەن. وسىنىڭ ءبارىن كورىپ-بىلە وتىرىپ, كوللەدج ديرەكتورى كامەلەتكە تولماعان وقۋشى قىزدى ءبىر-اق كۇننىڭ ىشىندە وقۋدان شىعارىپ جىبەرگەن. ال جوعارىداعى زاڭنىڭ 15-بابى 2-تارماعىندا تەگiن جالپى ورتا بiلiم نەمەسە تەحنيكالىق جانە كاسىپتىك بiلiم العانعا دەيiن بالانى مەملەكەتتiك بiلiم بەرۋ مەكەمەسiنەن شىعارۋ, شىعارۋدىڭ جالپى ءتارتiبiن ساقتاۋمەن قاتار تەك قورعانشى جانە قامقورشى ورگانداردى حاباردار ەتە وتىرىپ قانا جۇرگiزiلۋi مۇمكiن ەكەنى كورسەتىلگەن. وسىلايشا, كوللەدج باسشىلىعى كامەلەتكە تولماعان قىزدىڭ كونستيتۋتسيامەن كەپىل بەرىلگەن مىندەتتى ورتا ءبىلىم الۋىنىڭ قاساقانا جولىن كەسكەن. سوندىقتان ىسكە اۋداندىق پروكۋراتۋرا ارالاسىپ, وبلىستىق ءبىلىم باسقارماسىنا زاڭ بۇزۋشىلىقتاردى جويۋ جونىندە ۇسىنىس كەلتىردى. ونىڭ قارالۋ ناتيجەسىندە گ.دۇيسەنباەۆا ءوزى تۇسكەن وقۋ ورنىنىڭ 1-كۋرسىنا قايتا قابىلداندى. مۇ­نىڭ قورىتىندىسىندا زاڭ بۇزۋ­شىلىقتارعا جول بەرگەن كوللەدج ديرەكتورى م.احمەتوۆ, ونىڭ ءتار­بيە ءىسى جونىندەگى ورىنباسارى ك.داندىباەۆ – سوگىس, وندىرىستىك وقۋ شەبەرى ا.اليەۆا مەن كادر ءبولىمنىڭ قىزمەتكەرى د.رۇستەموۆا ەسكەرتۋ تۇرىندەگى تارتىپتىك جازالار الدى. رۋسلان ءپىرنازار, جاڭاقورعان اۋدانى پروكۋرورىنىڭ كومەكشىسى. قىزىلوردا وبلىسى.