پرەزيدەنت • 12 قاڭتار، 2022

پرەزيدەنت الماتىداعى شۇعىل ارەكەت ەتۋ باسقارماسىنىڭ ورتالىعىندا بولدى

61 رەت كورسەتىلدى

مەملەكەت باسشىسىنا ورتالىقتىڭ قۇقىقتىق ءتارتىپتى جانە قالا تۇرعىندارى مەن قوناقتارىنىڭ قاۋىپسىزدىگىن قامتاماسىز ەتۋدەگى ءرولى تۋرالى جان-جاقتى ايتىلدى، دەپ حابارلايدى Egemen.kzء باسپاسوز قىزمەتىنە سىلتەمە جاساپ.

پرەزيدەنتكە مەگاپوليستەگى تەرروريستىك اكتى كەزىندە بۇزاقىلاردىڭ ماقساتتى تۇردە 20 كوشەگە ورناتىلعان 493 بەينەكامەرانى، بەينەباقىلاۋدى باسقارۋ جانە بايلانىس جۇيەسىنىڭ تەحنيكالىق جابدىقتارىن ىستەن شىعارعانى  جونىندە ايتىلدى.

شۇعىل ارەكەت ەتۋ ورتالىعىندا قالا اۋماعىنداعى شۇعىل جاعدايلار تۋرالى تۇسكەن اقپاراتتار تاۋلىك بويى ۇزدىكسىز جينالادى. كەلىپ تۇسكەن بارلىق تالداۋ جاسالىپ، قۇقىق بۇزۋشىلىقتىڭ الدىن الۋ جۇمىستارى جۇرگىزىلەدى.

مەملەكەت باسشىسى ۇكىمەتتىك كوميسسيا مەن اكىمدىككە باقىلاۋ جۇيەلەرىن تۇگەلدەي قالپىنا كەلتىرۋدى تاپسىردى. وسىلايشا، الداعى ۋاقىتتا قالاداعى ءتارتىپتى 10 مىڭعا جۋىق بەينە كامەرا باقىلايتىن بولادى.

سوڭعى جاڭالىقتار

ۇقساس جاڭالىقتار