رەيدتەر بارىسىندا 2246 جالدامالى تۇرعىن ءۇي مەن 221 حوستەلگە تەكسەرىس جۇرگىزىلدى. 525-كە جۋىق كوشى-قون زاڭناماسىن بۇزۋ فاكتىلەرى انىقتالىپ, 36 زاڭسىز كەلىپ-كەتۋشى قابىلداپ-تاراتۋ ورنىنا ورنالاستىرىلدى.
تج رەجيمىن بۇزعانى ءۇشىن ەلوردادا 196 ازامات قازاقستان رەسپۋبليكاسى اكىمشىلىك قۇقىقبۇزۋشىلىق تۋرالى كودەكسىنىڭ 476-بابى بويىنشا اكىمشىلىك جاۋاپقا تارتىلدى. ولاردىڭ 16-سى قاماۋعا الىندى, قالعاندارىنا ايىپپۇل سالىنباق.
«ەلوردا تۇرعىندارى كومەندانتتىق ساعاتتىڭ ەنگىزىلگەنىنە قاراماستان, قانداي دا ءبىر قاجەتتىلىك بولماسا دا كوشەدە جۇرەدى. ولاردىڭ اراسىنان توتەنشە جاعداي رەجيمىن ادەيى بۇزۋشىلار دا كەزدەسەدى, ولارعا قاتىستى سوت قاماۋعا الۋ تۋرالى شەشىم قابىلدايدى», دەپ جازىلعان قالالىق پوليتسيا دەپارتامەنتى تاراتقان حابارلامادا.
قازىرگى ۋاقىتتا ەلوردادا جاعداي تۇراقتى. قۇقىق قورعاۋ ورگاندارى قوعامدىق ءتارتىپتى جانە ازاماتتاردىڭ قاۋىپسىزدىگىن تيىسىنشە قورعاۋدى قامتاماسىز ەتۋدە. نۇر-سۇلتانداعى جاعداي تولىقتاي باقىلاۋدا تۇر. كۇدىكتى ادامدار مەن تىيىم سالىنعان زاتتاردى انىقتاۋ ءۇشىن تاۋلىكتىك رەجيمدە 6 بلوكبەكەتتە كولىك قۇرالدارىنىڭ قوزعالىسىنا تەكسەرىس جۇرگىزىلەدى.
