2014 جىلعى 12 ناۋرىز استانا, ۇكىمەت ءۇيى
«اتىراۋ ءموز-ءىن رەكونسترۋكتسيالاۋ جانە جاڭعىرتۋ» باسىم جوباسى بويىنشا شەتەلدىك جۇمىس كۇشىن تارتۋعا 2014 جىلعا ارنالعان كۆوتالار بەلگىلەۋ تۋرالى
«حالىقتىڭ كوشى-قونى تۋرالى» 2011 جىلعى 22 شىلدەدەگى قازاقستان رەسپۋبليكاسى زاڭىنىڭ 8-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. وسى قاۋلىعا قوسىمشاعا سايكەس «اتىراۋ ءموز-ءىن رەكونسترۋكتسيالاۋ جانە جاڭعىرتۋ» باسىم جوباسى بويىنشا شەتەلدىك جۇمىس كۇشىن تارتۋعا 2014 جىلعا ارنالعان كۆوتالار بەلگىلەنسىن. 2. «اتىراۋ ءموز-ءىن رەكونسترۋكتسيالاۋ جانە جاڭعىرتۋ» باسىم جوباسى بويىنشا شەتەلدىك جۇمىس كۇشىن تارتۋعا 2013 جىلعا ارنالعان كۆوتالار بەلگىلەۋ جانە «اتىراۋ ءموز-ءىن رەكونسترۋكتسيالاۋ جانە جاڭعىرتۋ» باسىم جوباسىن ىسكە اسىرۋ ءۇشىن شەتەلدىك جۇمىس كۇشىن تارتۋعا رۇقسات بەرۋ شارتتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 29 ناۋرىزداعى № 298 قاۋلىسىنا (قازاقستان رەسپۋبليكاسىنىڭ ءپۇاج-ى, 2013 ج., № 22, 367-قۇجات) مىناداي وزگەرىستەر مەن تولىقتىرۋلار ەنگىزىلسىن: كورسەتىلگەن قاۋلىمەن بەكىتىلگەن «اتىراۋ ءموز-ءىن رەكونسترۋكتسيالاۋ جانە جاڭعىرتۋ» باسىم جوباسىن ىسكە اسىرۋ ءۇشىن شەتەلدىك جۇمىس كۇشىن تارتۋعا رۇقسات بەرۋ شارتتارىندا: 2-تارماقتىڭ 3), 4) تارماقشالارى مىناداي رەداكتسيادا جازىلسىن: «3) «اتىراۋ ءموز-ءىن رەكونسترۋكتسيالاۋ جانە جاڭعىرتۋ» جوباسىن ىسكە اسىرۋ ءۇشىن قازاقستان رەسپۋبليكاسى ازاماتتارىنىڭ سانى باس مەردىگەرلىك جانە ولاردىڭ قوسالقى مەردىگەرلىك ۇيىمدارىنداعى ءۇشىنشى ساناتقا جاتقىزىلاتىن قىزمەتكەرلەردىڭ تىزىمدىك سانىنىڭ 70 %-نان كەم بولماۋى ءتيىس; 4) «اتىراۋ ءموز-ءىن رەكونسترۋكتسيالاۋ جانە جاڭعىرتۋ» جوباسىن ىسكە اسىرۋ ءۇشىن قازاقستان رەسپۋبليكاسى ازاماتتارىنىڭ سانى باس مەردىگەرلىك جانە ولاردىڭ قوسالقى مەردىگەرلىك ۇيىمدارىنداعى ءتورتىنشى ساناتقا جاتقىزىلاتىن قىزمەتكەرلەردىڭ تىزىمدىك سانىنىڭ 70 %-نان كەم بولماۋى ءتيىس». 3. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2014 جىلعى 12 ناۋرىزداعى № 232 قاۋلىسىنا قوسىمشا
«اتىراۋ ءموز-ءىن رەكونسترۋكتسيالاۋ جانە جاڭعىرتۋ» باسىم جوباسى بويىنشا شەتەلدىك جۇمىس كۇشىن تارتۋعا 2014 جىلعا ارنالعان كۆوتالار
|
جوبانىڭ اتاۋى |
ءوتىنىش بەرۋشى |
ىسكە اسىرۋ ورنى |
ىسكە اسىرۋ مەر-ءزىمى
|
كۆوتا (ادام) |
||||
|
بارلىعى |
ونىڭ ىشىندە: |
|||||||
|
ءبىرىنشى سانات |
ەكىنشى سانات |
ءۇشىنشى سانات |
ءتورتىنشى سانات |
|||||
|
اتىراۋ ءموز-ءىن رەكونسترۋك- تسيالاۋ جانە جاڭعىرتۋ |
«Sinopec Engineering (Group) سو.,Ltd» قازاقستاندىق فيليالى | اتىراۋ ق., اتىراۋ وبلىسى | 2010- 2016 جج. | 755 | 5 | 55 | 216 | 479 |
| «مگقك «قازقۇرىلىسسەرۆيس» اق | 134 | 0 | 22 | 66 | 46 | |||
|
جيىنى |
889 | 5 | 77 | 282 | 525 | |||
