«قازاقستان ازاماتتارىنىڭ قۇقىعى قورعالاتىنىن ەرەكشە ايتىپ وتكىم كەلەدى. ءبىز لاڭكەستىككە, ەكسترەميزم مەن زورلىق-زومبىلىققا جول بەرمەيمىز. ونىڭ ۇستىنە قازاقستاندا شابۋىلعا ەش جول جوق. ءبىزدىڭ ەگەمەندىگىمىز بەن اۋماقتىق تۇتاستىعىمىزعا قول سۇعۋعا جول بەرىلمەيدى. جانە قازاقستان حالىقارالىق مىندەتتەرىن قاتاڭ ساقتايدى. قۇرمەتتى دوستار, ارىپتەستەر, قازىرگى ۋاقىتتا قازاقستاندا كونستيتۋتسيالىق ءتارتىپ قالپىنا كەلتىرىلىپ, قايتا ورنادى. ەلگە تونگەن قاۋىپتىڭ بەتى قايتارىلدى. بۇگىندە لاڭكەستىككە قارسى وپەراتسيا اياسىندا ەلگە بولعان جاعدايعا قاتىسى بارلاردى انىقتاپ, تابۋ جۇمىسى ءجۇرىپ جاتىر. قازىردىڭ وزىندە قۇزىرلى ورگان 8 مىڭعا جۋىق ادامدى ۇستادى. قۇقىق قورعاۋ ورگاندارى ۇستالعانداردىڭ لاڭكەستىككە, بۇزاقىلىققا جانە كىسى ولىمىنە قانشالىقتى قاتىسى بارىن تەكسەرىپ جاتىر», دەدى قاسىم-جومارت توقاەۆ.
