بۇل تۋرالى پرەزيدەنت قاسىم-جومارت توقاەۆ ۇقشۇ ۇجىمدىق قاۋىپسىزدىك كەڭەسىنىڭ كەزەكتەن تىس سەسسياسىندا ايتتى.
«اقپاراتتىق ۆاكۋمدى ورناتۋعا بولمايدى. ايتپەسە, ونى ارانداتۋشىلار تولتىرادى. ءبىزدىڭ جاعدايدا, وكىنىشكە قاراي, ول جالعاسىپ جاتىر. ءبىز بيلىكپەن بەيبىت اشىق ديالوگقا شىققان قازاقستان حالقىنىڭ قۇقىعىن قورعايمىز. سونداي-اق ءبىز جاقىندا بولعان سياقتى لاڭكەستىك پەن قارۋ قولدانۋدى جويىپ وتىرامىز. ءبىز مەملەكەتتىك ەگەمەندىك پەن شەكارانىڭ تۇتاستىعىنا نۇقسان كەلتىرۋگە جول بەرمەيمىز. قازاقستان ءوزىنىڭ حالىقارالىق مىندەتتەرىن قاتاڭ جۇزەگە اسىرادى», دەدى ول.
مەملەكەت باسشىسى اتاپ وتكەندەي, قازىر قازاقستاندا كونستيتۋتسيالىق ءتارتىپ ورناتىلدى.
«حالىق قاۋىپسىزدىگى مەن تۇراقتىلىعىنا اسەر ەتەتىن جاعدايلار جويىلدى. لاڭكەستىككە قارسى وپەراتسياسى اياسىندا قىلمىسقا قاتىسقانداردى انىقتاۋ جۇرگىزىلىپ جاتىر. بۇگىندە پولتسيا ورگاندارىنا 8 مىڭعا جۋىق ادام جەتكىزىلدى. قۇقىق قورعاۋ ورگاندارى مەن ارنايى جاساقتار مورودەرلىك پەن لاڭكەستىك, ادام ءولتىرۋ دەرەكتەرى انىقتاپ جاتىر. 116 قارۋ-جاراق تاركىلەندى. وپەراتسيا جالعاسىپ جاتىر. تىعىلعان لاڭكەستەردى انىقتاۋدىڭ جوسپارى وزگەرىپ جاتىر. ولار ساقالدارىن قىرىپ, قاراپايىم ازاماتتاردىڭ كيىمىن كيۋ ارقىلى جاڭا تاكتيكاعا كوشىپ جاتىر», دەدى توقاەۆ.
