حالىقتىڭ باستاپقى شەرۋى, اۋەلگى تالابى دۇرىس بولاتىن. الايدا ارانداتۋشىلار سەبەبىنەن باسقا باعىت الىپ كەتتى. حالىق م ۇلىگىن توناعاندار, اسكەرگە شابۋىل جاساعاندار شىقتى. ەندى ونىڭ انىق-قانىعىن زاڭ ورگاندارى انىقتايدى. بىراق پرەزيدەنت باتىل شەشىم قابىلداپ, بىرنەشە كۇندە حالىق كۇتىپ وتىرعان كادرلىق اۋىس-تۇيىستەر جاسادى. ءوز كومانداسىن سەنىمدى باسشىلارمەن تولىقتىردى. مەملەكەت باسشىسى بار جاۋاپكەرشىلىكتى وزىنە الىپ, ەلدە توتەنشە جاعداي جاريالادى. جاعداي تۇراقتالعان ايماقتاردا توتەنشە جاعداي دا شەشىلەتىنى حابارلاندى. مۇنداي جاعدايدا بۇكىل ەل بولىپ, حالىق بولىپ پرەزيدەنتتى قولداۋىمىز كەرەك. ۇقشۇ تارتىبىنە ساي, اسكەر دە ەلدەگى جاعداي تۇراقتالعاندا شىعىپ كەتەرى انىق. ءارى ول كۇشتەر ستراتەگيالىق عيماراتتاردىڭ كۇزەتى ءۇشىن شاقىرىلعانى بەلگىلى.
ال ءتارتىپ بۇزعان بۇزاقىلار, جاۋاپتى ادامدار جازاعا تارتىلادى. ءبىز قاشان دا پرەزيدەنت جاعىندامىز. الدا ساياسي رەفورمالار باستالادى دەپ سەنەمىز. ءبىز پرەزيدەنتتى قولدايمىز.
اۋىت مۇقيبەك,
قوعام قايراتكەرى
