قۇقىقتىق مەملەكەت جاعدايىندا حالىق اراسىندا ارانداتۋشىلىق ارەكەت جاساعان بۇزاقىلاردىڭ جازادان اتتاپ كەتپەيتىندىگىن تۇسىنەمىز. ءوز قالاسى مەن مەملەكەتىنىڭ بۇگىنى مەن ەرتەڭىن ويلاعان, ازاماتتىق جاۋاپكەرشىلىكتى سەزىنگەن ازامات ەشقاشان بۇنداي قادامعا بارمايدى. الەۋەتتىڭ پىكىرىن ەسكەرگەن پرەزيدەنتىمىز الەۋمەتتىك ماسەلەنى دە نازاردان تىس قالدىرماي سۇيىتىلعان گاز, جانارماي باعاسىن تومەندەتتى.
تۇتىنۋ تاۋارلارىنىڭ باعاسىن كوتەرۋگە جول بەرمەي 180 كۇنگە موراتوري جاريالاۋى دا حالىق ۇنىنە قۇلاق اساتىن مەملەكەت ەكەنىمىزدى ايعاقتايدى. پرەزيدەنتىن قولدايتىن كەز كەلگەن پەرزەنتتىڭ سىندارلى ساتتە ءبىر-بىرىنە, ەل تىزگىنىن ۇستاعان ازاماتتارعا قولداۋ تانىتۋى اسا ماڭىزدى. اعارتۋ سالاسىنىڭ وكىلى رەتىندە جاستارىمىز بەن زامانداستارىمىزدان ءسوز بەن ىستە جاۋاپكەرشىلىك تانىتۋدى سۇرايمىن.
ساعىنعاليەۆ داۋرەن ناۋرىزباي ۇلى,
ءال-فارابي اتىنداعى قازۇۋ وقىتۋشىسى.
