قر ۇكىمەتىنىڭ قاۋلىسىمەن گاز سالاسىن دامىتۋدىڭ كەشەندى جوسپارى بەكىتىلدى. گاز سالاسىن دامىتۋعا قاتىستى بارلىق ماسەلەلەر بويىنشا باعدارلامادان باسقا, جوسپار تارماقتارىنىڭ ءبىرى «قازترانسگاز» ۇك» اق ەسكى اتاۋىن جانە لوگوتيپىن وزگەرتۋىنە قاتىستى.
كومپانيا وكىلدەرى تۇسىندىرگەندەي, رەبرەندينگ تەك اتاۋى مەن لوگوتيپىنە عانا قاتىستى بولمايدى, ول ىشكى بيزنەس-پروتسەستەردىڭ باسىم بولىگىنە دە اسەر ەتەدى. وسىلايشا, «QazaqGaz» ۇلتتىق كومپانياسى بۇكىل وتاندىق گاز سالاسى دامۋىنىڭ جاڭا كەزەڭىن باستاپ وتىر. كەشەندى جوسپاردى ىسكە اسىرا وتىرىپ, كومپانيا ءوزىن ىشكى جانە حالىقارالىق نارىقتاردا جاڭاشا كورسەتەتىن بولادى.
«QazaqGaz» اتاۋى مەن جاڭا فيرمالىق بەلگى كومپانيا بيزنەسىنىڭ باعىتتارىن نەعۇرلىم ايقىن كورسەتەدى.
لوگوتيپتىڭ نەگىزگى سەمانتيكالىق مازمۇنى الاۋ وتىن بىلدىرەتىن بەلگى بولدى, ال سپيرالداعى پلەكسۋس ديناميكالىق قوزعالىس پەن دامۋدى بىلدىرەدى. لوگوتيپتىڭ نەگىزى رەتىندە الىنعان جالىننىڭ ءتىلى - كۇننىڭ سيمۆولى, تازارتۋ بەلگىسى جانە اتا-بابالارعا تابىنۋ زاتى, ۇيگە جىلىلىق پەن جايلىلىق اكەلەتىن وت. قاسيەتتى نىشان رەتىندە وتقا دەگەن كوزقاراس ەجەلگى زاماننان بەرى تۇركى حالىقتارىنىڭ سالت-داستۇرلەرىندە بولعان. بۇل رەتتە كومپانيانىڭ فيرمالىق بەلگىسىندە كوگىلدىر جانە جاسىل رەڭكتەردىڭ بولۋى تابيعي گازدىڭ ەكولوگيالىلىعىن بىلدىرەدى, بۇل بۇگىنگى كۇنى الەمدىك ترەند بولىپ تابىلادى.
