باشقۇرتستاننىڭ حوككەيشىلەرى پلەي-وففقا شىعۋ ماسەلەسىن كۇنى بۇرىن شەشىپ تاستاعان. قازىرگى كەزدە ولار قحل-دىڭ تۇراقتى بىرىنشىلىگىنىڭ جارىس كەستەسىندە ۇزدىك سەگىز كوماندانىڭ قاتارىندا. ال «بارىسقا» ءار باسەكەدە بارىن سالۋ قاجەت. سەبەبى ولاردىڭ گاگارين كۋبوگى جولىنداعى جارىسقا جولداما الۋى نە الماۋى ازىرگە بەلگىسىز. سوندىقتان دا بۇل ماتچتا دا جەرلەستەرىمىز ادەتتەگىدەي ايانباي ايقاستى. بىراق اعىمداعى جىلدىڭ سوڭعى كەزدەسۋىندە ازۋلى «سالاۆات يۋلاەۆقا» ءبىزدىڭ جىگىتتەردىڭ ءالى جەتپەدى. ماتچتىڭ 12-مينۋتىندا سەرگەي شمەلەۆ قوناقتاردى العا شىعارسا, 23-مينۋتتا ليندەن ۆەي تارازى باسىن تەڭەستىردى. ارادا ءتورت مينۋتتاي عانا ۋاقىت وتكەندە ءدال سول شمەلەۆ ەكىنشى مارتە ايدىن يەلەرىنىڭ قاقپاسىن ءدال كوزدەدى. 1:2 ەسەبى باسەكەنىڭ سوڭىنا دەيىن ساقتالدى.
قازىرگى كەزدە قورجىنىندا 42 ۇپاي بار «بارىس» جارىس كەستەسىندە 17-ورىندى قاناعات تۇتۋدا. ەندى ەلوردالىق كلۋب ءوزىنىڭ كەلەسى كەزدەسۋىن 3 قاڭتاردا نۇر-سۇلتاندا ريگانىڭ «ديناموسىنا» قارسى وتكىزەدى.
