اتالعان جارىستىڭ باستى باسەكەسىندە جەڭىل سالماقتاعى قازاقستاننىڭ قوس سپورتشىسى – ەلدار قۇدايبەرگەنوۆ (4-0) پەن سەرىكباي حودجاباەۆ (11-5) اتالعان ليگانىڭ التىن بەلبەۋى ءۇشىن تالاستى. بەس راۋندقا سوزىلعان وتە شيەلەنىستى تارتىستا العاشقىسى ۇپاي سانىمەن جەڭىسكە جەتتى. ناتيجەسىندە, چەمپيوندىق بەلبەۋ ەلداردا قالدى. تاعى ءبىر باستى جەكپە-جەكتە اسۋ الماباەۆ (14-2) برازيليالىق كايكا الەنكارامەن (10-2) كۇش سىناستى. باستاپقىدا ەكەۋى دە ەكپىندى كورىنگەنىمەن ۋاقىت وزا قانداسىمىز تىزگىندى ءوز قولىنا الدى. ءۇشىنشى راۋندتا اسۋ قارسىلاسىن ۇرىپ جىقتى. ءسويتىپ الەنكارا ءوزىنىڭ سپورتتىق كارەراسىندا ەكىنشى رەت قازاق سپورتشىسىنان جەڭىلدى. الدىڭعى جىلى ول ارمان اشىموۆتەن تاياق جەگەن بولاتىن.
وزگە قىزىقتى باسەكەلەر جايىندا ايتار بولساق, فانيل رافيكوۆ قىرعىزستاندىق قانىبەك جانىبەك ۇلىن ەكىنشى راۋندتا نوكاۋتقا جىبەرسە, بولات زامانبەكوۆ وزبەكستاندىق شۋكۋرۋللو ماشراپوۆتى ءبىرىنشى كەزەڭدە قىلقىندىرۋ ادىسىمەن جەڭدى. ايبولات مۇرات ۇلىنا گرۋزيالىق سوسلان گاسيەۆيدەن باسىم ءتۇسۋ ءۇشىن ساناۋلى مينۋت جەتكىلىكتى بولدى. سونداي-اق UFC-دە ونەر كورسەتىپ جۇرگەن شاۆقات راحمونوۆتىڭ تۋعان قارىنداسى سورا وزبەكستاننان كەلگەن حيلولا سوبيروۆانى ساباپ تاستادى.
