ادامي العىسىمىزدى ايتامىز

قاقاعان قاڭتار ايى بولاتىن. استانا قالاسىنداعى ۇيىمدە ەلەكتر سىمىنىڭ تۇيىقتالۋىنان تاڭعى 4-تە ءورت شىقتى. ءتىلسىز جاۋ – ءورت سالدارىنان جىلدار بويى جيناعان دۇنيە-م ۇلىك كۇلگە اينالدى. ءسويتىپ, وتباسىمىز اپاتتى جاعدايدا قالدى. ورتتەن كەيىن پاتەرىمدى قالپىنا كەلتىرۋگە اۋىل شارۋاشىلىعى مينيسترلىگى مەن ونىڭ استاناداعى قۇرىلىمدىق بولىمشەلەرى, اتاپ ايتقاندا, اشم-ءنىڭ ارداگەرلەر ۇيىمى باسقارماسىنىڭ توراعاسى م.ترو­شيحين, ۆەتەرينارلىق باقىلاۋ جانە فيتو-سانيتارلىق قاداعالاۋ كوميتەتتەرى, استانا قالاسى بويىنشا اۋماقتىق ينسپەكتسيالارى, استانا قالاسى بازارلارىنداعى ۆەتەرينارلىق-سانيتارلىق ساراپتاما زەرتحانالارى ۇلكەن كومەك كورسەتتى. سونداي-اق, جاقىن تۋىستارىمىز, دوس­تارىمىز, قۇدا-قۇداعيلارىمىز بەن جورا-جولداستارىمىز قولۇشتارىن سوزدى. «قازاگروقارجى» اق پەن «اگروپرودۋكت» كومپانيا­سى, ت.ب. قولدارىنان كەلگەن جاردەم­دەرىن اياعان جوق. سونىمەن قا­تار, ەلور­داداعى الماتى اۋدانى­نىڭ اكىمى ب.ساعىن مىرزا مەن وسى اۋدانداعى الەۋمەتتىك قامسىز­داندىرۋ ءبولىمى جاناشىرلىق تانىتتى. ءوزىم – اۋىل شارۋاشىلىعى سالاسىندا 40 جىلدان استام ەڭبەك ەتكەن ارداگەرمىن. ارىپتەستەرىم سەكىلدى مەن دە قازاقستان اۋىل شارۋاشىلىعىن دامىتۋعا بارلىق كۇش-جىگەرىمدى جۇمسادىم. 2007 جىلى ءوزىم باس بولىپ كانادادان 1500 باس اسىل تۇقىمدى سيىر اكەلگەن بولاتىنمىن. سونىڭ 750 باسى بۇگىندە ەلىمىزگە تانىمال ازامات ي.ساۋەر باسقاراتىن اقمولا وبلىسىنداعى «رودينا» شارۋاشىلىعىنا بەرىلسە, 750 باسى تاعى ءبىر تانىمال ازامات گ.زەنچەنكو باسقاراتىن سولتۇستىك قازاقستان وبلىسىنداعى «زەنچەنكو ي ك» كومانديتتىك سەرىكتەستىگىنە بەرىلگەن ەدى. ولار بۇگىندە ارنايى اكەلىنگەن اسىل تۇقىمدى ءىرى قارا مالدان جاقسى ءونىم الىپ, تابىستارىن ەسەلەپ وتىر. جەكە ءوزىم جانە وتباسى مۇشە­لەرىم قيىن جاعدايدا قالعان كەزدە سەلقوس قاراماي, كومەك قولىن سوزعانداردىڭ بارىنە شىنايى ريزاشىلىعىمىزدى بىلدىرە وتىرىپ, العىس ايتامىز. ويتكەنى, وسىنداي تاماشا ادامداردىڭ ارقاسىندا ەلىمىز قازاقستان پرە­زيدەنتى نۇرسۇلتان نازارباەۆ «قازاقستان جولى – 2050: ءبىر ماق­سات, ءبىر مۇددە, ءبىر بولاشاق» اتتى جول­داۋىندا جاريا ەتكەن جارقىن بولاشاققا قارىشتى قاداممەن اياق باسىپ كەلەدى. وسىنداي ءوز ءىسىنىڭ شەبەرلەرىنىڭ جوعارى ادامگەرشىلىك قامقورلىعى مەن تۇسىنىستىگىنىڭ ناتيجەسىندە وتانىمىزدىڭ ءارى قاراي دا وركەندەي بەرەتىنىنە ەش كۇمان جوق. باشار قاليەۆ. استانا.