وبلىس «جاسىل ايماققا» وتكەنىنە قاراماستان دەرتتەن دەمىگىپ تۇرعان كەيبىر اۋداندار «قىزىل ايماقتىڭ» ساناتىندا. ناقتىراق ايتساق, 19 اۋداننىڭ سەگىزى «قىزىل ايماقتىڭ» قۇرساۋىندا.
– جىل باسىنان بەرى وبلىستا 50 مىڭعا جۋىق تۇرعىن كوروناۆيرۋس ىندەتىن جۇقتىرعانى بەلگىلى بولىپ وتىر. ونىڭ 43 544-ءى ەرەسەك ادامدار بولسا, قالعاندارى 14 جاسقا دەيىنگى بالالار, – دەيدى وبلىستىڭ باس سانيتارلىق دارىگەرى ايناگۇل مۋسينا, – ىندەت جۇقتىرعان ادامداردىڭ باسىم كوپشىلىگى قۇلان-تازا جازىلىپ شىقتى. 888 ناۋقاس ەم قابىلداۋدا.
وڭىردەگى احۋال تۋرالى ساراپتاما جاساعاندا, سوڭعى ەكى اپتادا ىندەت جۇقتىرۋشىلاردىڭ سانى ءبىرشاما كوبەيگەنىن ايتا كەتۋ كەرەك. قازىر وبلىس اۋرۋحانالارىندا 300-دەن استام ناۋقاس ەم قابىلداپ جاتىر. ەڭ وكىنىشتىسى, 36 تۇرعىن جان ساقتاۋ بولىمىندە, ۇشەۋىنىڭ جاعدايى وتە اۋىر. ءسوز اراسىندا ىندەتكە ىلىنگەندەردىڭ بارلىعى ەكپە سالدىرماعانى بەلگىلى بولىپ وتىر. وسى ورايدا, «ساقتانساڭ ساۋ قالاسىڭ» دەگەن ءسوزدى تاعى ءبىر قايتالاي وتىرىپ, ەكپە سالۋدىڭ قانشالىقتى قاجەت ەكەنىن ەكپىن تۇسىرە ايتا كەتەلىك.
جاڭا وقۋ جىلى باستالعالى 1 مىڭنان استام وقۋشى ىندەت جۇقتىرعان. 31 ءبىلىم وشاعىنىڭ 47 سىنىبى كارانتينگە جابىلىپ, قاشىقتان وقىتۋ جۇيەسىنە كوشىرىلگەن.
اعىمداعى جىلدىڭ 20 قاراشاسىنان باستاپ جاپپاي رەۆاكتسينالاۋ قولعا الىندى. يممۋندىق جۇيەنى نىعايتۋ, ىندەتتەن ساقتانۋ ءۇشىن 9 706 ادام قايتادان ەكپە العان.
تيىمدىلىگى بەلگىلى بولعان Ashyq قاناتقاقتى جوباسىنا وبلىس نىساندارىنىڭ 5 مىڭعا جۋىعى ەنگىزىلدى. ونىڭ بارلىعىنا رەسمي تۇردە QR-كودتار بەرىلگەن. وسى قوسىمشا ارقىلى «سارى» جانە «قىزىل» ستاتۋسى بار 2 مىڭنان استام ادام كارانتين تالابىن ساقتاماعانى انىقتالعان.
ءتارتىپتى ساقتاپ تارتىنساق, «قىزىل ايماقتان» دا قۇتىلۋدىڭ رەتى كەلەتىندىگىن كوز كورىپ وتىر. ءبارى دە وزىمىزگە بايلانىستى.
اقمولا وبلىسى
